وڭتۇستىك قازاقستان وبلىسىنىڭ اكىمى جانسەيىت تۇيمەبايەۆتىڭ وكىمىمەن جاڭادان قۇرىلعان جانە اتاۋلارى وزگەرگەن باسقارمالاردىڭ باسشىلارى تاعايىندالدى، دەپ حابارلايدى Qamshy.kz اقپارات اگەنتتىگى وقو اكىمدىگىنىڭ باسپا ءسوز قىزمەتىنە سىلتەمە جاساپ.
اتاپ ايتقاندا، كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى بولىپ باتىرحان قۇرمانسەيىت، اقپاراتتاندىرۋ، مەملەكەتتىك قىزمەتتەر كورسەتۋ جانە ارحيۆتەر باسقارماسى باسشىسى لاۋازىمىنا باستار ەسقارايەۆ تاعايىندالدى.
وتباسى، بالالار جانە جاستار ىستەرى جونىندەگى باسقارما باسشىسى قىزمەتىن بالمارجان ناربەكوۆا اتقاراتىن بولدى.
ال مادەنيەت جانە تىلدەردى دامىتۋ باسقارماسى باسشىسى مىندەتىن ۋاقىتشا اتقارۋ اسىلحان تەمىرحانعا تاپسىرىلدى.
«Ontustik Tourism Center» تۋريزم ورتالىعىنىڭ ديرەكتورى ولجاس شينتايەۆ اتالعان قىزمەتىنەن بوساتىلا وتىرىپ، تۋريزم جانە سىرتقى بايلانىستار باسقارماسى باسشىسىنىڭ مىندەتىن ۋاقىتشا اتقارۋشى بولىپ تاعايىندالدى.
بۇعان دەيىن حابارلاعانىمىزداي، وڭتۇستىك قازاقستاندا وبلىستى باسقارۋ سحەماسى نەگىزىندە 23 باسقارمانىڭ كەيبىرىنەن ءبىرقاتار مىندەتتەر الىنىپ، 4 باسقارمانىڭ اتاۋى قايتا اۋىستىرىلعان بولاتىن.
