اقش پرەزيدەنتى دونالد ترامپ كحدر ازاماتتارىنىڭ كوپشىلىگى ءوز ەلدەرىن تاستاپ قاشىپ جاتقانى جايىندا ايتتى، دەپ حابارلايدى Qamshy.kz اقپارات اگەنتتىگى ريا نوۆوستي دەرەگىنە سۇيەنە وتىرىپ.

جۇما كۇنى دونالد ترامپ اق ۇيدە سولتۇستىك كورەيادان كەلگەن بىرنەشە بوسقىنداردى قابىلداعان بولاتىن.

«بۇگىن بىزگە ەرەكشە توپ كەلدى. ولار – سولتۇستىك كورەيادان كەلگەن بوسقىندار. سوڭعى جىلدارى ءوز ەلىن تاستاپ قاشىپ كەلىپ جاتقاندار لەگى كوبەيۋدە. كحدر ءومىر سۇرۋگە تىم قولايسىز مەملەكەت، سول ءۇشىن دە ادامدارعا ول ۇنامايدى. وتە ۇلكەن قاتەر بار»، - دەدى ترامپ بوسقىندارمەن كەزدەسۋ بارىسىندا.

بوسقىنداردىڭ ءبىرى سولتۇستىك كورەيا ۋنيۆەرسيتەتىندە پروفەسسور بولعانىن ايتتى. ونىڭ وتباسىن اباقتىداعى ساياساتكەرلەر ءۇشىن قاماۋعا الماق بولعان، سوندىقتان دا 2004 جىلى بۇل پروفەسسور ءوز ەلىنەن قاشىپ شىققان.