قىتايدا 120 مىڭعا جۋىق مۇسىلمان-ۇيعىردى شىڭجاڭ ۇيعىر اۆتونوميالىق اۋدانى قاشقار قالاسىنداعى ساياسي وقىتۋ لاگەرلەرىنە جىبەرىپ جاتىر. بۇل جايىندا Qamshy.kz اقپارات اگەنتتىگى CNN پورتالىنىڭ مالىمەتىنە سۇيەنە وتىرىپ حابارلايدى.

تۇرعىندارىنىڭ باسىم بولىگى يسلام ءدىنىن ۇستاناتىن قىتايدىڭ ەڭ ءىرى ايماعىنىڭ بىرىندە قحر بيلىگى ساياسي لاگەرلەر قۇرىپ، ون مىڭداعان ۇيعىردى وقىتىپ جاتىر. ول جەردە مۇسىلمان-ۇيعىرلار ريەۆوليۋسيالىق اندەر ايتىپ، كحر باسشىسى سي ءسزينپيننىڭ نەگىزگى ويلارىمەن تانىسادى جانە ولار جۇڭگو تىلىندە سويلەۋگە ءماجبۇر.

بيلىكتىڭ بۇل ىسىنە قاتىستى ادام قۇقىعىن قورعايتىن بەلسەندىلەر ءتۇرلى سىني پىكىر ءبىلدىرىپ جاتىر. «ءار اۋلادان، ءار وتباسىدان ءۇش-تورت ادامنان الىپ كەتىپ جاتىر. كەيبىر اۋىلداردا، كوشەلەردە بىردە-بىر ەر ادام جوق، تەك ايەلدەر مەن بالالار قالعان، ەر ادامداردىڭ بارلىعىن لاگەرلەرگە الىپ كەتكەن»، - دەيدى دۇنيەجۇزىلىك ۇيعىر كونگرەسى كوميتەتىنىڭ ءتوراعاسى ومەر كەنات.

بەلسەندىلەردىڭ ايتۋىنشا، بيلىكتىڭ بۇل ىس-ارەكەتى زاڭسىز. بيلىك وكىلدەرى ۇيعىرلاردى تەك تۇرمەگە جاۋىپ قانا قويماي، بۇكىل جەرگە بەينەباقىلاۋ كامەرالارىن، كولىك قۇرالدارىنا كۇشتەپ GPS ورناتىپ، 16 مەن 65 جاس ارالىعىنداعى تۇرعىنداردىڭ گەندىك ساراپتاماسىن تەكسەرىپ جاتىر.

جۇڭگو بيلىگى پاكىستان مەن اۋعانستاننىڭ راديكالدى توپتارى تۇرعىندارىنىڭ دەنى يسلام ءدىنىن ۇستاناتىن شىڭجاڭ ۇيعىر اۆتونوميالىق اۋدانى ارقىلى ەلگە كەلەدى دەپ قاۋىپتەنەدى ەكەن.