ەۋرازيالىق توپ (ERG) قۇرامىنداعى «ەۋروازياتتىق ەنەرگەتيكالىق كورپوراسياسى» اق ەلەكتر ستانسياسىنىڭ ۇجىمى №2 ەنەرگوبلوكتاعى 4.0 يندۋسترياسى ەلەمەنتتەرى جۇمىسىنىڭ ارالىق قورىتىندىسىن شىعاردى.
2017 جىلدىڭ جەلتوقسان ايىندا ەەك ەنەرگەتيكتەرى كۇردەلى جوندەۋدەن وتكەن №2 ەنەگوبلوكتى ىسكە قوستى. بۇل رەتتە بلوك قۇرامىنا جاڭارتىلعان جابدىقتار قاتارىندا سىمسىز داچيكتەر، داچيكتەر مونيتورينگى مەن دىرىلدياگنوستيكا جۇيەلەرى سياقتى ءتورتىنشى ونەركاسىپتىك ريەۆوليۋسياسىنىڭ ەلەمەنتتەرى دە ىسكە قوسىلدى.
– ءبىزدىڭ جۇمىسىمىز، شىنىندا، ەلباسى الدىمىزعا قويعان ماقساتتاردى جۇزەگە اسىرۋداعى شەشۋشى قادام. ءتورتىنشى ونەركاسىپتىك ريەۆوليۋسيا تۋرالى كوپشىلىك تەك ايتقانى بولماسا، ءدال ءبىز وسى اۋقىمدى، ۇزاق مەرزىمدى باعدارلامانى جۇزەگە اسىرۋمەن اينالىسا باستاعان قازاقستانداعى ءبىرىنشى ەنەرگەتيكالىق كاسىپورىن بولىپ تۇرمىز، – دەپ، «ەەك» اق پرەزيدەنتى ۆالەريي گرينەنكو دەدى.
جاڭا جۇيەلەردى ءبىر اي تاجىريبەلىك-ونەركاسىپتىك پايدالانۋ، ولاردىڭ تيىمدىلىگىن كورسەتتى.
– قىسىمنىڭ سىمسىز داچيكتەردىڭ بۇزىلۋى، سونداي-اق سىرتقى ەلەكترماگنيت ءورىسىنىڭ اسەرىنەن راديو ارناسى بويىنشا بايلانىستىڭ جوعالۋى تىركەلمەگەن، بۇل ستانسيادا داچيكتەردىڭ قالىپتى جۇمىس ىستەۋىنە كەدەرگى كەلتىرۋى مۇمكىن جابدىقتاردىڭ كوپتىگىن ەسكەرسەك جاقسى ناتيجە، – دەدى «ەەك» اق اقسۋ ەلەكتر ستانسياسى جىلۋ اۆتوماتيكا جانە ولشەۋ سەحىنىڭ باستىعى رومان پاۋستيانوۆ. – سىمسىز داچيكتەردىڭ كادىمگى سىمدى داچيكتەرمەن سالىستىرمالى تالداۋ ولاردىڭ كورسەتكىشتەرىنىڭ 100% سايكەستىگىن كورسەتتى. داچيكتەر مونيتورينگى جۇيەسى ىسكە قوسىلىپ، قىزمەتكەرلەر وڭ پىكىر ءبىلدىردى. ولاردىڭ ايتۋىنشا، جاڭا جابدىقتاردىڭ نەگىزگى ارتىقشىلىعى – دياگنوستيكا جاساۋ مەن كونفيگۋراسيانى تەكسەرۋ ماقساتىندا داچيكتەرگە قىسقىشتاردى قوسۋ قاجەت ەمەس، ويتكەنى بۇل جۇمىس ءتۇرى قاشىقتىقتان جاسالادى. دىرىلدياگنوستيكا جۇيەسىنە كەلسەك، ول ءالى دە باپتاۋ ساتىسىندا: دايىنداۋشى زاۋىتىنىڭ ماماندارى جۇيە الگوريتمدەرىن بەيىمدەۋ ءۇشىن جابدىقتىڭ جۇمىس ءتارتىبى بويىنشا دەرەكتەر جينايدى. جارتى جىلدىق تاجىريبەلىك-ونەركاسىپتىك پايدالانۋدىڭ ناتيجەسى بويىنشا اتالعان جابدىقتى ودان ءارى قولدانۋ تۋرالى شەشىم قابىلدانادى.
بۇل ستانسيا تاريحىنداعى العاشقى جاڭارتىلىم ەمەس. 2016 جىلى قازاقستاندا بالاماسى بولماعان تەحنولوگيالىق ۇدەرىستەردى باسقارۋدىڭ اۆتوماتاندىرىلعان جۇيەسى ەنگىزىلدى. سول كەزدە «ينتەراۆتوماتيكا» جاق ماماندارى ستانسيانىڭ جىلۋ اۆتوماتيكا جانە ولشەۋ سەحىنىڭ جۇمىسشىلارىمەن بىرلەسە جابدىقتى اۋىستىردى.
اقسۋ ەلەكتر ستانسياسىندا 2001 جىلدان بەرى ەنەرگوبلوكتاردىڭ قايتا قۇرۋى ويداعىداي جۇزەگە اسىرىلۋدا؛ سەگىز بلوكتىڭ بەسەۋى كەشەندى جاڭعىرۋدان ءوتتى. بۇگىنگى تاڭدا قۇنى شامامەن 204 ملن دوللاردى قۇرايتىن №5 ەنەرگوبلوكتى قايتا قۇرۋ جۇمىستارى جۇرگىزىلۋدە. اقسۋ ەس قۇرىلىمدىق قۋاتى 2 450 مۆت.
بيىل ءبىرىنشى ەنەرگوبلوكتىڭ ىسكە قوسىلعانىنا 50 جىل. رەسپۋبليكاداعى ەلەكتر ەنەرگيانىڭ شامامەن 17% وندىرەتىن اقسۋ ەلەكتر ستانسياسىندا 2001 جىلدان بەرى جابدىقتاردى جاڭارتۋ جانە قايتا قۇرۋ باعدارلاماسى جۇزەگە اسىرىلىپ كەلەدى.
