ورتالىق سايلاۋ كوميسسياسى قۇل-مۇحاممەد مۇحتار ابرارۇلىنى ق ر پارلامەنتى سەناتىنىڭ دەپۋتاتى رەتىندە تىركەدى، دەپ حابارلايدى Qamshy.kz اقپارات اگەنتتىگى وسك باسپا ءسوز قىزمەتىنە سىلتەمە جاساپ.
2018 جىلدىڭ 5 اقپانىندا پرەزيدەنت جارلىعىمەن 2018 جىلدىڭ 1 اقپانىندا تاعايىندالعان پارلامەنت سەناتىنىڭ دەپۋتاتىن تىركەۋ بويىنشا بەرىك يماشيەۆتىڭ توراعالىعىمەن ورتالىق سايلاۋ كوميسسياسىنىڭ وتىرىسى ءوتتى.
ورتالىق سايلاۋ كوميسسياسى وتىرىسىندا قۇل-مۇحاممەد مۇحتار ابرارۇلىنى ق ر پارلامەنتى سەناتىنىڭ دەپۋتاتى رەتىندە تىركەۋ جونىندە قاۋلى قابىلداندى.
سونىمەن قاتار، وتىرىستا ق ر پارلامەنتى ءماجىلىسىنىڭ دەپۋتاتى اشىمبايەۆ ماۋلەن ساعاتحان ۇلىنىڭ وكىلەتتىلىگىن توقتاتۋ ماسەلەسى قاراستىرىلدى. دەپۋتاتتىڭ ءوتىنىش بەرۋى نەگىزگە الىنىپ، م. اشيمبايەۆتىڭ ق ر پارلامەنتى ءماجىلىسىنىڭ دەپۋتاتتىق وكىلەتتىلىگى مەرزىمنەن تىس توقتاتىلادى.
ق ر كونستيتۋسياسى 52 بابىنىڭ 5 تارماعىنا سايكەس، ق ر 1995 جىلعى 25 قازانداعى «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى» تۋرالى كونستيتۋسيالىق زاڭعا سايكەس جانە م. اشىمبايەۆتىڭ ءوتىنىشى نەگىزىندە، ق ر وتالىق سايلاۋ كوميسسياسى ق ر پارلامەنتى ماجىلىسىنە اشىمبايەۆ ماۋلەن ساعاتحان ۇلىنىڭ وكىلەتتىلىگىن مەرزىمنەن تىس توقتاتۋ ماسەلەسى بويىنشا ۇسىنىم جونەلتەدى.
