«Kazakh Invest» پەن گەرمانيا ەكونوميكاسىنىڭ ورتالىق ازياداعى وكىلدىگى، ەلدەر اراسىنداعى ينۆەستيسيالىق ىنتىماقتاستىقتى جانداندىرۋ تۋرالى  كەلىسىمگە كەلدى.

بۇگىن الماتى قالاسىندا «Kazakh Invest» باسقارما ءتوراعاسى ساپاربەك تۋياكبايەۆ پەن گەرمانيا ەكونوميكاسىنىڭ ورتالىق ازياداعى وكىلدىگى باسشىسىنىڭ ورىنباسارى كاتارينا كوح اراسىندا كەزدەسۋ وتكىزىلدى.

كەزدەسۋ بارىسىندا س.تۋياكبايەۆ «Kazakh Invest» اعىمداعى قىزمەتى، قازاقستانداعى شەتەلدىك ينۆەستورلارمەن جۇمىستا «ءبىر تەرەزە» ءپرينسيپىن ەنگىزۋ، سونىمەن قاتار شەتەلدىك كاسىپكەرلەرگە ۇسىنىلاتىن ينۆەستيسيالىق پرەفەرەنسيالار تۋرالى ايتىپ بەردى.

«ءبىز گەرمانيانى قازاقستانعا ينۆەستيسيا سالۋعا ارنالعان ۇلكەن الەۋەتى بار باسىمدىقتى ەل رەتىندە قاراستىرامىز. نەمىس بيزنەسى وتە يكەمدى، جوعارى تەحنولوگيالى، جاھاندىق نارىقتا ايتارلىقتاي ءوزىنىڭ ورنى بار. جانە سوندىقتان، «Kazakh Invest» نەمىس بيزنەسمەندەرىنىڭ ينۆەستيسيالىق جوبالارىن قولداۋعا دايىن»، - دەپ اتا ءوتتى ساپاربەك تۋياكبايەۆ.

ءوز كەزەگىندە، گەرمانيا ەكونوميكاسىنىڭ ورتالىق ازياداعى وكىلدىگى باسشىسىنىڭ ورىنباسارى كاتارينا كوح گەرمانيانىڭ قازاقستانمەن ساۋدا-ەكونوميكالىق ىنتىماقتاستىعىنىڭ تەرەڭدەۋىنە مۇددەلى ەكەندىگىن اتاپ ءوتتى.

«ءبىزدى ۇيىمعا قازاقستاندا ينۆەستيسيا سالۋعا ارنالعان الەۋەتتى جوبالاردى ىزدەيتىن، نەمىس بيزنەسمەندەرىنەن سۇرانىستار ءتۇسىپ وتىرادى. ءبىز مۇنداي قىزىعۋشىلىقتىڭ بولۋىنا قۋانىشتىمىز جانە «Kazakh Invest» كومەگىمەن بارلىق ۇيىمداستىرۋشىلىق سۇراقتار، ونىڭ ىشىندە ميگراسيالىق سيپاتتاعى ماسەلەلەر شەشىلەتىن بولادى دەپ سەنەمىز»، - دەپ حابارلادى كوح.

كەزدەسۋ قورىتىندىسى بويىنشا تاراپتار نەمىس بيزنەسمەندەرىنىڭ قاتىسۋىمەن بىرلەسكەن ينۆەستيسيالىق شارالار وتكىزۋ جايىندا كەلىستى.