ەكى بالانىڭ اناسى، الماتى وبلىسىنىڭ تۇرعىنى ەكى اپتاداي بۇرىن اۋرۋحاناعا كەتىپ، ۇيىنە قايتىپ ورالماعان، دەپ حابارلادى Qamshy.kz اقپارات اگەنتتىگى كتك ارناسىنىڭ دەرەگىنە سۇيەنىپ.
23 جاستاعى اناستاسيا بۋكوۆا جوعالىپ كەتكەننەن كەيىن ءبىر رەت بايلانىسقا شىققان.
«ول قوڭىراۋ شالىپ، «ءبارى جاقسى، مەيرامحانادا جۇمىس ىستەپ جاتىرمىن»، — دەدى. سويلەسىپ جاتقاندا قاپشاعايدا ەكەنىن ايتىپ قالدى. ءبىر كەزدە: «بولدى-بولدى، كەتۋىم كەرەك، قوجايىن كۇتىپ جاتىر» دەپ تەلەفوندى ءسوندىرىپ قويدى»، — دەيدى كۇيەۋى. كۇيەۋى سەرگەي بۋكوۆ ايەلىنىڭ مۇنداي مىنەزىن بۇرىن-سوڭدى بايقاماعانىن ايتتى.
تۋىستارى اناستاسيانى كۇشپەن ۇستاپ وتىرعانىنا سەنىمدى.
وتباسى جاس ايەلدى ىزدەۋدى اۋداندىق اۋرۋحانادان باستاعان. بەلگىلى بولعانداي، اناستاسيا بۋكوۆا دارىگەرگە بارماعان. تۋىستارى ول وزدىگىنەن ەشقايدا كەتە المايتىنىنا سەنىمدى، ويتكەنى ءتىپتى قالتاسىندا جولعا دا اقشاسى بولماعان.
جوعالعان ايەلدى ىزدەۋگە تەرگەۋشىلەر مەن ەرىكتىلەر دە اتسالىسىپ جاتىر.
