جەڭىلدىكپەن اۆتوكرەديت بەرۋ باعدارلاماسى ۇلتتىق قوردىڭ 8 ملرد تەڭگە سوماسىنداعى قوسىمشا قاراجاتى ەسەبىنەن كەڭەيەدى، دەپ جازادى Qamshy.kz اقپارات اگەنتتىگى. بۇل تۋرالى قازاقستان دامۋ بانكىنىڭ باسپا ءسوز قىزمەتى حابارلادى.
«قازاقستان دامۋ بانكى» اق جەڭىلدىكپەن اۆتوكرەديت بەرۋ باعدارلاماسىنىڭ شەڭبەرىندە ۇلتتىق قور قاراجاتىنىڭ 8 ملرد تەڭگە سوماسىنداعى ءۇشىنشى ترانشىن ەكىنشى دەڭگەيدەگى بەس بانككە : Halyk Bank، ەۆرازيالىق بانككە، «رەسەي جيناق بانكىنىڭ» قازاقستانداعى ەنشىلەس بانكىنە جانە «سەنتركرەديت» بانكىنە 1 ملرد 875 ملن تەڭگەدەن، ۆتب ەنشىلەس بانكىنە (قازاقستان) – 500 ملن تەنگە جىبەردى»،- دەىلنگەن حابارلامادا.
ق ر ازاماتتارى-جەكە تۇلعالارىنا قازاقستاندا شىعارىلاتىن جەڭىل اۆتوكولىكتى ساتىپ الۋعا كرەديت بەرۋدىڭ اعىمداعى شارتتارى مىناداي: سىياقىنىڭ نومينالدىق مولشەرلەمەسى – جىلدىق 4%-دان اسپايدى، كرەديت بەرۋ مەرزىمى – 7 جىلدان اسپايدى، قارىز ۆاليۋتاسى – تەڭگە، جەڭىل اۆتوكولىكتىڭ ءبىر بىرلىگىنىڭ قۇنى – 15 ملن تەڭگەدەن اسپايدى. باستاپقى جارنانىڭ مولشەرىن كوممەرسيالىق بانكتەر دەربەس بەلگىلەيدى.
قارىز الۋشىلارعا باعدارلاما شەڭبەرىندە اۆتوكولىكتەردىڭ «Kia»، «Chevrolet»، «Skoda»، «Hyundai» جانە ت.ب. سياقتى برەندتەرىنىڭ 60 مودەلى ۇسىنىلادى، ولاردى قۇراستىرۋ «سارىارقااۆتوونەركاسىپ» ج ش س جانە «ازيا اۆتو» اق كاسىپورىندارىندا جۇزەگە اسىرىلادى.
قازاقستاندا 2015 جىلعى ساۋىردە باستاۋ العان، وپەراتورى قدب بولىپ تابىلاتىن جەڭىلدىكپەن اۆتوكرەديت بەرۋ باعدارلاماسى 20 جىلعا ەسەپتەلگەن. ينفراقۇرىلىمدىق دامۋدىڭ 2015-2019 جىلدارعا ارنالعان «نۇرلى جول» مەملەكەتتىك باعدارلاماسىنىڭ شەڭبەرىندە بولىنەتىن ۇلتتىق قوردىڭ قاراجاتى باعدارلامانى قارجىلاندىرۋ كوزى بولىپ تابىلادى. بۇعان دەيىن باعدارلامانى ىسكە اسىرۋعا ۇلتتىق قوردىڭ جالپى سوماسى 26 ملرد تەڭگە ەكى ترانشى جىبەرىلگەن بولاتىن، ولاردى باعدارلاماعا قاتىسۋشى ەدب تولىعىمەن يگەردى. جەڭىلدىكپەن اۆتوكرەديت بەرۋ قاراجاتىنىڭ ەسەبىنەن 10 000 جۋىق قازاقستاندىقتار وتاندىق ءوندىرىستىڭ جاڭا اۆتوكولىكتەرىن ساتىپ الدى. بەرىلگەن قارىزداردىڭ جالپى سوماسى قايتالاپ يگەرىلگەن قاراجاتتى ەسەپتەگەندە، بۇگىنگى تاڭدا 39 ملرد تەڭگەدەن اسادى. قارىز الۋشىلارعا كرەديت بەرۋ ريەۆولۆەرلىك سيپاتتى يەلەنەدى، ياعني جۇمىس ىستەپ تۇرعان كرەديتتەردى وتەۋدەن تۇسەتىن تولەمدەر جاڭادان اۆتوكرەديت بەرۋگە جۇمسالادى.
