بۇگىن شىمكەنت قالاسىنىڭ اكىمى نۇرلان ساۋرانبايەۆ حالىق الدىندا ەسەپتى كەزدەسۋىن وتكىزدى دەپ حابارلايدى Qamshy.kz اقپارات اگەنتتىگى rgmedia.kz سايتىنىڭ دەرەگىن نەگىزگە الا وتىرىپ. ول كەزدەسۋگە 800-دەن استام ادام قاتىسىپ وتىرعانىن ايتتى. جانە بۇل كەزدەسۋ ونلاين تۇردە اكىمدىك سايتىندا كورسەتىلدى. 

كەزدەسۋدە ەكس-ماجىلىسمەن، كەزىندە وڭتۇستىكتە ءىرى قىزمەتتەر اتقارعان شالاتاي مىرزاحمەتوۆ ءتىل ماسەلەسىن كوتەردى. ەستەرىڭىزدە بولسا، قالا اكىمى ءال-فارابي اۋدانى اكىمىنە تەك مەملەكەتتىك تىلدە بايانداما جاساعانى ءۇشىن ەسكەرتۋ جاساپ ەدى. مىنە، بۇل جايت كازنەتتە قىزۋ تالقىعا ءتۇستى. وسىنى نازارعا العان ەكس-ماجىلىسمەن:

– وسى شەكتەۋ قويعان كەزدە ەلباسىنىڭ ءتىل تۋرالى ساياساتىن تولىققاندى قولداپ جاتىرمىن دەپ ويلايسىز با؟ ءسىز باسقارىپ وتىرعان قالانىڭ 80-90 پايىزى ومىردە مەملەكەتتىك ءتىلدى پايدالانادى. بۇل شەكتەۋىڭىز كوپكە توپىراق شاشۋ ەمەس پە؟ ەگەر ب ا ق دۇرىس جازباعان بولسا، ولاردى كەشىرىم سۇراپ، قايتادان قاتە حابارلاندىرۋ بولدى دەپ جازۋعا ارەكەت جاسادىڭىز با؟ – دەپ اكىمنەن اتالعان سۇراقتارعا جاۋاپ بەرۋدى سۇرادى.

قالا تۇرعىندارىنىڭ سۇراعىنا بىردەن جاۋاپ بەرۋدى ءجون دەپ تاپقان نۇرلان ەرمەك ۇلى سۇراق يەلەرىنە جازباشا تۇردە ناقتى جاۋاپ بەرىلەتىنىن ايتىپ، مىراحمەتوۆتىڭ سۇراعىنا جەكە توقتالىپ ءوتتى.

– راسۋل گامزاتوۆتىڭ ءسوزى بار: «ەگەر مەنىڭ ءتىلىم ەرتەڭ جويىلاتىن بولسا، مەن بۇگىن ولۋگە دايارمىن» دەگەن. بۇل جەردە مەن سىزگە كومەكشى بولامىن، اعا. بىرگە جۇمىس ىستەيىك، — دەپ ونى جۇمىستى بىرگە ىستەۋگە شاقىردى.

ەسكە سالساق، Qamshy.kz اقپارات اگەنتتىگى وسى جايتقا بايلانىستى نۇرلان ساۋرانبايەۆ پەن وقو اكىمى جانسەيىت تۇيمەبايەۆقا حات جازعان بولاتىن. الايدا ەكى اكىم دە حاتىمىزدى جاۋاپسىز قالدىردى.