استانا قالاسىنداعى تۇرعىن ءۇي قۇرىلىسى نىساندارىنداعى كەيبىر مەردىگەرلەردىڭ پروبلەمالى ماسەلەلەرى، پروكۋراتۋرا، قۇقىق قورعاۋ ورگاندارى جانە باسقا دا مەملەكەتتىك ورگاندارمەن ءوزارا بىرلەسىپ استانا قالاسى اكىمدىگىنىڭ جانىنداعى (ءارى قاراي ۆاك) تۇرعىن ءۇي قۇرىلىسىنا ۇلەستىك قاتىسۋ ماسەلەسى بويىنشا ۆەدومستۆوارالىق كوميسسيانىڭ باقىلاۋىندا تۇر، دەپ حابارلايدى Qamshy.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

ۆاك مۇشەلەرىنە نىسان قۇرىلىسىن اياقتاۋدا مەردىگەرمەن بىرلەسىپ زاڭ اياسىندا ارەكەت جاساۋى قاراستىرىلعان جانە ونىڭ ءارقايسىسىنا كەشەندى ءىس-شارا انىقتالعان.

ەگەر مەردىگەردىڭ تاراپىنان ەشقانداي جۇمىس جاسالماسا، ۇلەسكەرلەرگە قۇرىلىستى وزدەرى اياقتاۋ ءۇشىن تۇرعىن ءۇي-قۇرىلىس كووپەراتيۆىن قۇرىپ، نىساندى كووپەراتيۆكە بەرۋ تۋرالى سوت ءىسىن جۇرگىزۋگە كەڭەس بەرىلەدى. ۆاك جۇمىسىنىڭ اياسىندا استانا قالاسى پروكۋراتۋراسى 41 ارىز-شاعىمدى قاناعاتتاندىرىپ، قۇرىلىستى وزدەرى اياقتاۋ ءۇشىن زارداپ شەگۋشىلەر وزدەرى قۇرعان تۇرعىن ءۇي-قۇرىلىس كووپەراتيۆىنىڭ مۇددەسىنە شەشىلدى.

ۆاك جۇمىسىنىڭ اياسىندا ۋاقىتىندا پايدالانۋعا بەرىلمەگەن جانە العان باسپانانى راسىمدەۋ مۇمكىن بولماعان ۇيلەرگە قاتىستى كوپتەگەن ارىز-شاعىمداردىڭ ارقاسىندا قۇرىلىس نىساندارىن اياقتاۋ شەشىمىن تاپتى.  وعان، پروبلەمالى مىنا نىساندار كىرەدى: «مونبلان» تك، «ميرنىي» تك، «سارىارقا» تك، ابىلايحان داڭعىلىنداعى 4 مانساردتى ەتاج، «ۋيۋت 19» تقك تك مەردىگەرى، اباي داڭعىلىنداعى تك «اليا استانا" تقك، «ميراس» تك، ب.مومىش ۇلى داڭعىلىنداعى «نيپي گەنپلان» ج ش س مەردىگەرى تك، سەمبينوۆ كوشەسىندەگى «جان نۇر» تقك مەردىگەرى تك، «تۇركىستان» تك، ساتپايەۆ 5/1 كوشەسىندەگى تۇرعىن ءۇي، «يزوبيليە» تك،  «اييا» تك، «سان سيتي» تك، تىلەندييەۆ داڭعىلىنىڭ وڭ جاقتاعى سارىبۇلاق بويىنداعى تك، «كاكادۋ» تك، «گارمونيا» تك، «ءومىر» تك، «تۇمار» تك، «ايسانام» تك جانە ت.ب.

ۆاك-تىڭ بىرلەسىپ ارەكەت ەتۋىنىڭ ناتيجەسىندە جوعارىدا كورسەتىلگەن نىسانداردىڭ 380 مىڭ شارشى مەترى پايدالانۋعا بەرىلىپ، 6370 ادام پاتەرلى بولدى.

ۇلەستىك قۇرىلىستا نەگىزگى ماسەلە – رۇقساتسىز ۇلەسكەرلەردەن اۇشا تارتۋ، مەردىگەرلەردىڭ ءوز مىندەتىن ورىنداماۋى، قارجىنى ماقساتسىز پايدالانۋ.

الاياقتىق فاكتىلەرى مەن زاڭسىز كاسىپكەرلىكپەن اينالىسقان فاكتى بويىنشا قۇرىلىس كومپانيا باسشىلارىنا قاتىستى 31 قىلمىستىق ءىس قوزعالدى، ناتيجەسىندە 37-دەن اسا كومپانياداعى لاۋازىمدى تۇلعالار سوتتالدى، اراسىندا («ازبۋكا جيليا»، «تولەندى» تقك، «ال باراكات» ج ش س، «ورالديزاينسترويسەرۆيس» ج ش س،  «Tamiz invest group»  اق جانە ت.ب. كومپانيانىڭ باسشىلارى بار).  

بۇدان باسقا، ۆاك مۇشەلەرى پروكۋراتۋرامەن بىرگە ۇلەستىك تۇرعىن ءۇي قۇرىلىسى سالاسىندا بۇزۋشىلىقتىڭ بولماۋىن ازاماتتاردىڭ شاعىمدانۋىنا قاراپ مونيتورينگ جاساۋ ارقىلى الدىن الۋدا. باسپانا سالامىز دەگەن مەردىگەرلەر ءتيىستى رۇقساتى بولماسا دا ۇلەسكەرلەردەن (ب ا ق، ينتەرنەت رەسۋرس، باننەر جانە قورشاۋلار ارقىلى) اقشا تارتقان فاكتىلەر بويىنشا قۇقىق قورعاۋ ورگاندارىنا قىلمىستىق جاۋاپكەرشىلىككە، سونداي-اق اكىمدىكتەگى وكىلەتتى ورگاندارعا دا اكىمشىلىك جاۋاپكەرشىلىككە تارتۋ ءۇشىن حاتتار جولداندى.

الەۋمەتتىڭ نارازىلىعىن تۋدىرماس ءۇشىن جانە ۇلەسكەرلەردىڭ ماسەلەسىن شەشۋ ءۇشىن ۆاك اكىمدىكپەن، ق ر ۇكىمەتىمەن جانە ورتالىق مەملەكەتتىك ورگاندارمەن بىرلەسىپ، «نۇرلى جەر» تۇرعىن ءۇي قۇرىلىسى باعدارلاماسى اياسىنلا پروبلەمالى نىسانداردىڭ قۇرىلىسىن اياقتاۋ تۋرالى ۇسىنىس تاستادى.

قازىرگى تاڭدا ۆاك  باعدارلاماعا قاتىسۋ ءۇشىن قاراستىرعان 39 پروبلەمالى نىساننىڭ الدىن الا ءتىزىمى انىقتالىپ، (astana.gov.kz) استانا قالاسى اكىمدىگىنىڭ سايتىنا جاريالاندى. تىزىمگە ساكەس، ءاربىر پروبلەمالى نىسان كەستە بويىنشا جەكە-جەكە قارالادى.

جالپى، ۆاك جۇمىسى پروبلەمالى قۇرىلىستى اياقتاۋ جونىندە جانە ۇلەسكەرلەردى باسپانامەن قامتۋدا ايتارلىقتاي جەمىستى ەڭبەكتەر اتقارۋدا. مىسالى، ۆاك جۇمىسىنىڭ قولداۋىمەن ەكى – «ارابي-1» مەن «ۆەنسكيي كۆارتال» تۇرعىن ءۇي كەشەندەرى پايدالانۋعا بەرىلدى.

سونداي-اق، ۆاك مۇشەلەرى استانا اكىمدىگىمەن بىرلەسىپ ۇلەسكەرلەردى قولداپ، جارمەڭكە وتكىزدى. ونداعى ماقسات – پروبلەمالى باسپانالاردىڭ بىتپەي قالعان قۇرىلىسىن اياقتاۋ ءۇشىن الەۋەتتى ينۆەستورلار تارتىپ، قۇرىلىس نىسانىن قارجىلاندىرۋ.

جارمەڭكەگە قۇرىلىس مەكەمەلەرى مەن شەتەلدىك كومپانيالار دا قاتىستى. وتكىزىلگەن جارمەڭكەنىڭ ناتيجەسى بويىنشا («سكاي سيتي» تك، «بايتاۋ» تك، «العا سامال» تك ت.ب.) قۇرىلىس نىساندارىن اياقتاۋ تۋرالى كەلىسىمگە قول جەتكىزدى.