الماتى قالاسىندا جوعالىپ كەتكەن 2002 جىلى تۋعان ارۋجاندى قاراساي اۋداندىق ىشكى ىستەر باسقارماسى قىزمەتكەرلەرى تاۋىپ الدى، دەپ حابارلايدى Qamshy.kz اقپارات اگەنتتىگى patrul.kz سايتىنا سىلتەمە جاساپ.
28 قاڭتاردا الماتى وبلىسى، قاراساي اۋدانى، شامالعان بەكەتىندەگى ۇيىنەن بەلگىسىز باعىتقا شىعىپ كەتكەن ارۋجانعا ىزدەۋ جاريالانعان ەدى.
ىشكى ىستەر باسقارماسىنىڭ قىزمەتكەرلەرى بار كۇشىن سالىپ كامەلەتكە تولماعان قىزدى ىزدەدى. كەشە، 12 اقپاندا قاراساي اۋداندىق پوليسياسىنىڭ قىزمەتكەرلەرى قىزدى الماتىدان تاپتى.
پوليسيانىڭ سوزىنشە، قىز الماتىدا پاتەر جالداعان قۇربىسىنىڭ ۇيىنە قوناققا كەتكەن. ءقازىر تاڭدا ارۋجان ءوز ۇيىندە.
