مەملەكەت باسشىسى استانا قالاسىنىڭ اكىمى اسەت يسەكەشيەۆتى قابىلدادى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ. 

كەزدەسۋدە قازاقستان پرەزيدەنتىنە ەلوردانىڭ الەۋمەتتىك-ەكونوميكالىق دامۋى جانە استانانىڭ 20 جىلدىعىن مەرەكەلەۋگە دايىندىق بارىسى جونىندە مالىمدەلدى.

– 2017 جىلدىڭ قورىتىندىسى بويىنشا قالانىڭ الەۋمەتتىك-ەكونوميكالىق دامۋ كورسەتكىشى 2 ەسەگە جۋىق ارتتى. ونەركاسىپ 7 پايىزعا ءوستى. سوڭعى بەس جىل ىشىندە 46 يندۋستريالدىق جوبا ءبىر تريلليون تەڭگە كىرىس اكەلدى، – دەدى اسەت يسەكەشيەۆ.

سونداي-اق، نۇرسۇلتان نازاربايەۆقا نەگىزگى كاپيتالعا تارتىلعان جەكە ينۆەستيسيالار كولەمى ۇلعايىپ، ەسەپتى كەزەڭ ىشىندە ونىڭ ۇلەسى 70 پايىز بولعانى تۋرالى باياندالدى.

– وتكەن جىلى 2،4 ميلليون شارشى مەتر تۇرعىن ءۇي سالىنىپ، رەكوردتىق كورسەتكىشكە قول جەتكىزىلگەن ەدى. ءبىز ءقازىر جەكە ينۆەستورلار مەن ۇلتتىق كومپانيالار ەسەبىنەن قالانىڭ ءتورت اۋدانىندا قۇرىلىس جۇمىستارىن جۇرگىزىپ جاتىرمىز، – دەدى استانا قالاسىنىڭ اكىمى.

ءا.يسەكەشيەۆ نۇرسۇلتان نازاربايەۆقا ەلورداداعى ينفراقۇرىلىمدىق جوبالاردىڭ ىسكە اسىرىلۋ بارىسى مەن استانا ماڭىندا جاڭا جولدار سالۋ جوسپارى جونىندە مالىمدەدى.

مەملەكەت باسشىسى ەلوردادا باسقا وڭىرلەردىڭ اكىمدىكتەرىمەن بىرلەسىپ سالىنعان ءبىرقاتار الەۋمەتتىك نىساننىڭ قۇرىلىسىنا قاتىستى جۇمىستاردى وڭ باعالادى.

قازاقستان پرەزيدەنتى كەزدەسۋ سوڭىندا ناقتى تاپسىرمالار بەردى.