موڭعول تەلەارناسىندا كورسەتىلەتىن «ماناي بەر» («ءبىزدىڭ كەلىن») تەلەشوۋىنا قاتىسۋشى كەلىندەرگە بەرىلگەن ەڭ العاشقى تاپسىرما – موڭعولدىق «حييستەي ساي» شايىن دايىنداۋ بولدى، دەپ Qamshy.kz اقپارات اگەنتتىگى ARD سۇيەنىپ جازادى.

سۇۇتەي حييستەي ساي – موڭعولدىق ءداستۇرلى شاي. ونى كوك شاي، ءسۇت، ماي، تۇز، ارپا ۇنى، قاقتالعان ەت جانە كۇرىش قوسىپ دايىندايدى. سۇۇتەي حييستەي سايدى داستارحاندا ەتتەن جاسالعان تاعام كوپ كەزدە كۇنىنە بىرنەشە رەت ىشەدى. مۇنداي شاي سورپانىڭ ءرولىن اتقارادى دەسە دە بولادى.

بۇل تاپسىرمانى قاتىسۋشىلاردىڭ بارلىعى مۇقيات ورىنداپ، ءتىپتى جاپوندىق جانە امەريكالىق كەلىنشەكتەر دە بۋرياتتىق پەن قازاق كەلىنىنەن كەم تۇسپەدى.

حاننا ماكسۋم جانە مينا تامۋرا وتباسىلارىنان جانە ءادىل قازىلار القاسىنان ماداقتاۋلار ەستىدى. شىعىس ايەلى رەتىندە مينا ۇلكەندەردى قۇرمەتتەيتىنىن، ولاردان كوپتەگەن نارسە ۇيرەنگەنىن ايتتى. ول موڭعول تاعامدارىن دايىنداۋدى بىلەدى جانە سۇۇتەي سايدى كۇيەۋىنىڭ اجەسىنەن ۇيرەنگەن ەكەن.

تۇرسىن ساتقانوۆا بولسا، موڭعول ءسالت-داستۇرىن بىلەتىندىگىن جانە تاڭىرگە سۇۇتەي شايدى سىيعا تارتۋ سالتىن بىلەتىندىگىمەن ءبولىستى.

حاننا ەسىمدى امەريكالىق كەلىنشەك بورستوي سۇۇتەي سايدى كەپكەن ەتپەن جاسادى. شايدىڭ كوپتەگەن ءتۇرى بار، سونىڭ ىشىندەگى بورس ۇزىن جولاق ەتىپ كەسىلگەن جانە اشىق اۋادا  سۇرلەنگەن ەت. ول ازىرلەگەن شايدىڭ ءدامىن تاتقان ءادىل قازىلار حاننانى «ناعىز موڭعول كەلىنشەگىنە» اينالعانىن ايتتى.