بۇگىن قالالىق ءماسليحاتتىڭ XXVII كەزەكتەن تىس سەسسياسى بارىسىندا دەپۋتاتتار استانا قالاسى ەسىل اۋدانىنىڭ جاڭا اكىمىنىڭ تاعايىندالۋىن ماقۇلدادى، دەپ حابارلايدى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ.
ەسىل اۋدانىنىڭ اكىمى قىزمەتىنە تولەگەن زاكاريانوۆتىڭ كانديداتۋراسى ۇسىنىلدى.
«تولەگەن قابىكەن ۇلى زاكاريانوۆ ستراتەگيالىق تۇرعىدان ماڭىزدى دەگەن باسقارمالاردىڭ بىرىنە جەتەكشىلىك ەتىپ، قالاداعى ءىرى جوبالاردىڭ ىسكە اسىرىلۋىنا ءوزىنىڭ سۇبەلى ۇلەسىن قوسقان بولاتىن. ونىڭ مول تاجىريبەسى بار. ول ايماقتاردا، مينيسترلىكتەردە، ق ر پرەزيدەنتىنىڭ اكىمشىلىگىندە جۇمىس ىستەدى»، - دەدى استانا قالاسىنىڭ اكىمى اسەت يسەكەشيەۆ.
ءماسليحات دەپۋتاتتارى ۇسىنىلعان كانديداتۋرانى ءبىراۋىزدان ماقۇلدادى.
پىكىر قالدىرۋ