يراق ديكتاتورى ساددام حۋسەيندى دارعا اسقان ارقان جەتى ميلليون دوللارعا ساتىلۋى مۇمكىن. وسى جادىگەرلىككە ۇسىنىلعان باعا قازىرگى كەزدە وسىنشا سومانى قۇراپ وتىر، دەپ حابارلادى lenta.ru The Daily Mail-گە سىلتەمە جاساپ.

ءقازىر ول يراكتىڭ ۇلتتىق قاۋىپسىزدىك بويىنشا بۇرىنعى كەڭەسشىسى دوكتور مۋۆاففاك ءال-رۋباييدىڭ يەلىگىندە (ناق سول حۋسەيندى ولتىرۋگە الىپ بارعان بولاتىن).

باسىلىمنىڭ اقپاراتى بويىنشا، كوللەكسيونەرلەر ودان ءولتىرۋ قۇرالىن ساتىپ الۋ ءۇشىن ناعىز "ءباس تىگۋ سوعىسىن" اشتى.

ساۋداعا ەكى كۋۆەيت كاسىپكەرى، يزرايلداعى اۋقاتتى وتباسى جانە يراندىق ءدىني ۇيىم قاتىسۋدا. وعان دەگەن قىزىعۋشىلىق ارتىپ وتىرعان ءساتتى ەسكەرە وتىرىپ، ءال-رۋبايي ودان دا ءتيىمدى ۇسىنىستاردان ءۇمىتتى.

ساددام حۋسەين رەجيمى 2003 جىلعى ساۋىردە امەريكاندىقتاردىڭ باسىپ كىرۋى ناتيجەسىندە قۇلاتىلدى، ال ديكتاتوردىڭ ءوزى سول جىلدىڭ جەلتوقسانىنا دەيىن ءىز جاسىردى.

2006 جىلى ول ادامزاتقا قارسى قىلمىستارعا ايىپتى دەپ تانىلىپ، دارعا اسۋ ارقىلى ءولىم جازاسىنا كەسىلدى. ۇكىم 2006 جىلدىڭ 30 جەلتوقسانىندا ورىندالدى. "ياقازينفورم"