قازاقستان بىرەۋدىڭ ەسكى-قۇسقىسىن كيىپ الىپ، ونى اينالاسىنا «جاڭا» دەپ سەندىرگىسى كەلەتىن بالا سياقتى.

شقو-عا گولليۆۋدتىڭ ءبىر توپ تانىمال اكتەرلەرىن باستاپ كەلگەن كەري تاگاۆا وسكەمەندەگى مەشىتكە كىرىپ، الاقان جايىپ، «دۇعا قىلىپتى».

ءوڭىر باسشىسى دانيال احمەتوۆتىڭ  دە قابىلداۋىندا بولعان. ماقساتتارى، التاي ءوڭىرى تۋرالى 4-بولىمنەن تۇراتىن دەرەكتى فيلم ءتۇسىرىپ، NAT-GEO مەن BBC ارناسى ارقىلى كورسەتۋ ەكەن.

ءبىر قىزىعى، الگى قازاقستان ازاماتتىعىن الۋعا نيەت بىلدىرگەن كەري تاگاۆا دەيتىن ساباز، ەكى جىل بۇرىن حريستيان شىركەۋىنە كىرىپ شوقىنىپ تۇرىپ، رەسەيدىڭ ءتولقۇجاتىن الۋدى ارماندايتىنىن ايتقان.

اكتەردىڭ قاي ارەكەتىنە سەنەمىز؟! جاپوندىق اكتەردىڭ ءدىني كوزقاراسىندا شارۋام جوق. تەك، بۇل شقو وبلىسىنىڭ بيۋجدەتىنە تۇسىرىلەتىن تەلەجوبام «ءساتتى ءوتىپ كەتسىن» دەگەن، ونىڭ كوزبوياۋشىلىق ارەكەتى عانا.

راس، ولار 90-شى جىلدارى الەمگە تانىلدى، 2000-شى جىلداردىڭ باسىندا ءبىرشاما ءساتتى فيلمدەرگە ءتۇستى. ءبىراق، بۇگىندە تەك قوسالقى رولدەرمەن كوڭىلىن جۇباتىپ جۇرگەن جۇلدىزدار.

كەيدە ماعان قازاقستان بىرەۋدىڭ ەسكى-قۇسقى كيىمىن كيىپ الىپ، ونى اينالاسىنداعىلارعا «جاڭا» دەپ سەندىرگىسى كەلەتىن بالا سەكىلدى كورىنەدى.

گولليۆۋدتىق اتاقتىلاردىڭ 4 سەريالى دەرەكتى فيلم ءۇشىن از اقشا المايتىنى بەلگىلى. سول قاراجاتتى زاماناۋي تەلەونىم تۇسىرۋگە قابىلەتتى، ەۋروپا مەن امەريكالىق اۋديتورياعا ءوتىمدى كەيىپكەرلەردى تارتا الاتىن شىعارماشىلىق توپقا تاپسىرسا بولار ەدى.

وتكەندە، ناشارلاۋ قىزمەتى ءۇشىن ەلباسىنان ءسوز ەستىگەن دانيال كوكەم، مارك داكاسكوس، كەري تاگاۆا، ەريك روبەرتس، باي ءليننىڭ ارقاسىندا وزىنە دە شاعىن پيار جاساپ الدى. قويشى. قايدا بارساڭ دا، قورقىتتىڭ كورى...

سەرىك نويانباي ۇلىنىڭ  Facebook-تاعى جەكە پاراقشاسىنان الىندى.