ق ر ءىىم اكىمشىلىك پوليسيا كوميتەتىنىڭ باسپا ءسوز حاتشىسى يرينا لۋكيانينا-كوستەريەۆا قاپشاعاي تاس جولىندا بولدى دەلىنىپ، الەۋمەتتىك جەلىدە ۆيدەوسى تاراعان جاپپاي كولىك اپاتىنا قاتىستى پىكىر ايتتى. "WhatsApp قولدانۋشىلارى اراسىندا جاپپاي كولىك اپاتىنىڭ ۆيدەوسى تاراپ جاتىر، وندا جول اپاتى قاپشاعاي - الماتى تاس جولىندا بولدى دەلىنگەن. الايدا قازاقستان تەرريتورياسىندا مۇنداي جول-كولىك وقيعاسى تىركەلگەن جوق. تەكسەرىلمەگەن قاۋەسەتتى تاراتپاڭىزدار!"، - دەپ جازدى ۆەدومستۆونىڭ وكىلى Facebook پاراقشاسىندا.
كەي دەرەككە سۇيەنسەك، بۇل وقيعا وتكەن اپتادا امەريكانىڭ ايوۆا شتاتىندا بولعان. كوكتايعاق پەن جولداردىڭ كورىنبەۋى سالدارىنان تاس جولدا 70 اۆتوكولىك سوقتىعىسىپ ءبىر ادام قازا تاۋىپ، بىرنەشە ادام اۋىر جاراقات العان.
