«كسەلل» كولل-ورتالىعىنا كەلەتىن قوڭىراۋلاردىڭ 40 مىڭعا جۋىعىن نەمەسە 60%-ىن روبوتتار قاراستىرادى. بۇل كانال ارقىلى كورسەتىلەتىن سەرۆيس دەڭگەيى 40%-عا ارتتى، ال كليەنتتىڭ ماسەلەسىن العاشقى قوڭىراۋدان-اق شەشۋ كورسەتكىشى 50% بولدى. بۇعان قوسا، كومپانيانىڭ كەيبىر ونىمدەرىن روبوتتار ساتا باستادى، دەپ حابارلايدى Qamshy.kz اقپارات اگەنتتىگى. ءتىپتى، مۇنداي ساۋدانىڭ كولەمى ارنايى ءبولىم اتقاراتىن جۇمىسقا پارا-پار.

2017 جىلدىڭ ءتورتىنشى توقسانىنىڭ قورىتىندىسى بويىنشا «كسەلل» بيزنەس-ونىمدەر پورتفەلىندە IT مەن digital بيزنەس-شەشىمدەردىڭ ۇلەسى 54 پايىز بولدى. ولاردىڭ اراسىندا «Kcell بۇلت»، «IT-ينفراقۇرىلىم»، Big Data نەگىزىندەگى ءموبيلدى ماركەتينگ ونىمدەرىنىڭ جەلىسى جانە زاتتار ينتەرنەتى (IoT) بازاسىنداعى شەشىمدەر بار.

بيىل كومپانيا digital-قىزمەتتەردى دامىتۋدى ەڭ جوعارعى باسىمدىق رەتىندە قاراستىرۋدى جالعاستىرادى. جاقىن ارادا م2م-قىزمەتتەر پروۆايدەرلەرىنە ۋاقىت پەن قاراجاتتى ۇنەمدەۋگە مۇمكىندىك بەرەتىن SIM-كارتالاردى باسقارۋ پلاتفورماسى ىسكە قوسىلادى. سونىمەن بىرگە كومپانيا زاتتار ينتەرنەتى (IoT) سالاسىندا جاڭا شەشىمدەردى نارىققا شىعارۋدى جانە Big Data بازاسىندا قىزمەتتەر پورتفەلىن ايتارلىقتاي كەڭەيتۋدى جوسپارلاپ وتىر.