شىعىس قازاقستان وبلىسى جولاۋشى كولىگى جانە اۆتوموبيل جولدارى باسقارماسىنان حابارلاعانداي، اۋە باعدارىنىڭ جيىلىگى – اپتاسىنا 1 رەيس (جۇما كۇنى بارىپ قايتۋ باعىتىندا). ۇشاق وسكەمەن قالاسىنان ساع. 9.30-دا شىعىپ، ءۇرىمشى قالاسىنا ساع 12.55-تە قونادى (ءۇرىمشى ۋاقىتى بويىنشا). سول كۇنى ءۇرىمشى ۋاقىتى بويىنشا ۇشاق ساع. 14.55-تە ۇرىمشىدەن ۇشىپ، ساع. 14.25-تە وسكەمەن قالاسىنا كەلىپ قونادى (استانا ۋاقىتى بويىنشا).

وسكەمەننەن ۇشىپ شىعاتىن ءبىر جاقتى بيلەت باعالارى ەكونوم-كلاستا 40 تەڭگە، بيزنەس-كلاسستا 55 مىڭ تەڭگە تۇرادى. ال ۇشاقتىڭ ۇشۋىنا 14 نەمەسە ودان كوپ كۇن مەرزىمدە «بارىپ – قايتۋ» بيلەتىنىڭ باعالارى ەكونوم-كلاستا 69 تەڭگە، بيزنەس-كلاسستا 84 مىڭ تەڭگە قۇراسا، 14 كۇندىك مەرزىمنەن از ۋاقىتتا سايكەسىنشە، 79 جانە 94 مىڭ تەڭگە بولادى.

ايتا كەتەرلىگى، قوس قالانىڭ اراسىندا جولاۋشىلاردى 85 ورىندىق Fokker 100 اۋە ۇشاعى تاسىمالدايدى. سونداي-اق، اتالمىش اۋە رەيسىن قحر اۋماعىنداعى وزگە دە اەۋ رەيستەرىمەن ءتۇيىستىرۋ جۇمىستارى جوسپارلانۋدا.