جاڭا زاڭ قۋما ساۋدانى قۇرىقتاي الا ما؟

2013 جىلدىڭ 28 قاڭتارىندا ەلىمىزدىڭ باس پروكۋراتۋراسى ۇلتتىق بانكپەن جانە وزگە دە مۇددەلى ورگاندارمەن بىرلەسىپ «كەيبىر زاڭنامالىق اكتىلەرىنە قارجى (ينۆەستيسيالىق) پيراميدالارىنىڭ قىزمەتىنە قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دايىندادى. بۇل زاڭنىڭ باستى ماقساتى − ەلىمىزدە قارجى پيراميدالارىنىڭ جولىن كەسۋ جانە جۇمىس ىستەۋىنە جول بەرمەۋ، قارجى پيراميدالارىنىڭ قىزمەتىمەن بايلانىستى زاڭعا قايشى ارەكەتتەردەن ازاماتتاردىڭ قۇقىقتارى مەن زاڭدى مۇددەلەرىن قورعاۋعا باعىتتالعان قۇقىقتىق بازا قالىپتاستىرۋ. ايتا كەتۋ كەرەك، قارجى پيراميدالارىن جويۋعا باعىتتالعان زاڭ جوباسى ۇستىمىزدەگى جىلدىڭ قىركۇيەك ايىندا جاسالىنىپ ءبىتۋى ءتيىس ەدى. ءبىراق جاڭا زاڭ جارتى جىلعا كەشەۋىلدەپ قابىلدانسا دا، قارجىلىق پيراميدانىڭ بارلىق تۇرلەرىن جويۋعا ءالى دە قاۋقارسىز. ماسەلەن زاڭدا: «تاۋارلاردى نەمەسە قىزمەت كورسەتۋلەردى، ءوندىرۋ نەمەسە ساتىپ الۋ-ساتۋ بولماعان جاعدايدا ادامداردىڭ قاراجات، باسقا دا مۇلىكتەرىن تارتۋعا بولمايدى» دەلىنگەن. دەمەك، تىكەلەي ساۋدا جانە جەلىلىك ماركەتينگتىڭ اتىن جامىلىپ، قارجىلىق پيراميدا جۇيەسى بويىنشا كوپشىلىكتىڭ قالتاسىن قاعىپ، قوماقتى قارجىنى شەتەل اسىرىپ جاتقان ساۋدا تۇرلەرى تاعى دا ەش جازاسىز قالادى دەگەن ءسوز. ەلىمىزدە كەڭ تارالعان، كارجىلىق پيراميدانىڭ نەگىزىندە جۇرگىزىلەتىن Quest.net، تيانشي سەكىلدى جەلىلىك ءىرىلى-ۇساقتى ساۋدا وشاقتارىنا ەش اسەرى بولمايدى. الەمنىڭ كوپتەگەن ەلدەرى اتاپ ايتقاندا، اۆستراليا، برازيليا، ۆەليكوبريتانيا، كانادا، كيتاي، فرانسيا، گەرمانيا، يتاليا، يران، ياپونيا سەكىلدى دامىعان مەملەكەتتەر قارجىلىق پيراميدا مەن سوعان ۇقساس ساۋدا تۇرلەرىنە الدەقاشان تىيىم سالعان. ال ءبىزدىڭ ەلگە جەلىلىك ماركەتينگ پەن قارجى پيراميداسىنىڭ اراجىگىن اجىراتۋ ءۇشىن تاعى ءبىراز جىل كەرەك سەكىلدى. سۋرەت: nwm.az سايتىنان

جاڭا زاڭ قۋما ساۋدانى قۇرىقتاي الا ما؟

پىكىر قالدىرۋ

قاتىستى ماقالالار