ۋكرياناداعى قاقتىڭىستاردىڭ سوڭعى ناتەجيەلەرى بويىنشا ەل اسكەرلەرى ءبىر تاۋلىكتىڭ ىشىندە 200 دەي بۇلىكشى جاساقتىڭ كوزىن جويعان. بۇل تۋرالى ريا نوۆوستيگە اتو (انتيتەررورلىق وپەراسيا)باسپا ءسوز ورتالىعىنىڭ وكىلى اناتولي ستەلماك مالىمدەگەن.

سونىمەن قاتار، 15 اسكەري تەحنيكا مەن بازانىڭ تاس تالقانىن شىعارعان. جالپى قازىرگى ۋاقىتتا ۋكراينا ءوزىنىڭ اسكەري پوزيسياسىنا نىق بەكىگەن. جانە دونباسستاعى بۇلىكشى جاساقتىڭ ءۇستىن-ۇستىن جۇرگىزىلىپ وتىرعان شابۋىلدارىنا تويتارىس بەرىپ وتىر.

دەگەنمەن ۋكراينا قارۋلى كۇشتەرى وسى وپەراسيا بارىسىندا 9 جاۋىنگەرىنەن ايىرىلىپ، تاعى 26-سى ءار ءتۇرلى دەنە جاراقاتتارىن العان.

ۋكراينانىڭ شىعىسىنداعى جاعداي 2015 جىلدىڭ قاڭتار ايىنىڭ ورتا شەنىنەن قايتا ۋشىعىپ وتىر. دونەسك اۋەجايىنا تالاس كەزىندە قايتا تۇتانعان ەكى جاقتى قاقتىعىستار بۇگىندە مايداننىڭ بارلىق شەپتەرى ىسكە قوسىلعان.

بۇۇ-نىڭ 3 اقپانداعى مالىمدەمەسى بويىنشا دونباسستاعى قازا تاپقاندار سانى 5358 ادامعا ارتقان. مۇنىڭ الدىندا 12 مىڭ 235 ادام قازا تاپقانى جونىندەگى مالىمەت تاراعان بولاتىن. ال نەمىس باسىلىمى Frankrurter Allgemeine Sonntagszeitung -تىڭ مالىمەتىنشە ۋكرايناداعى قاقتىعىستاردىڭ ناتەجيەسىندە قازا بولعاندار سانى 50 مىڭنان اسىپ جىعىلۋى مۇمكىن دەلىنگەن.

ءوز كەزەگىندە ۋكراينا پرەزيدەنتى پەتر پوروشەنكو ميۋنحەندەگى كونفەرەنسيادا "سوڭعى مالىمەتتەر بويىنشا قاقتىعىستاردىڭ سالدارىنان 1200 دەي اسكەري، 5400 دەي بەيبىت تۇرعىن قازا تاپقان" دەدى.