«بازيس الاتاۋ» ج ش س باسشىلارى ءۇش جۇڭگو ازاماتىنىڭ 1 ملرد تەڭگەسىن يەمدەنىپ، الاياقتىق جاسادى دەگەن كۇدىككە ىلىكتى، دەپ حابارلايدى Qamshy.kz اقپارات اگەنتتىگى «قازاقپاراتقا» سىلتەمە جاساپ. 

«ق ر باس پروكۋراتۋراسىنىڭ ارنايى پروكۋرورلار قىزمەتى «بازيس الاتاۋ» ج ش س باسشىلارى ب.بايمۇحانوۆ، گ.نابييەۆا جانە باسقالارعا قاتىستى قىتايدىڭ ءۇش ازاماتى حە حان ۆەي، لين نۋسزى جانە ۆان دجۋنعا الاياقتىق جاساۋ فاكتىسى بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر»، - دەپ اتاپ وتىلگەن حابارلامادا.

سوتقا دەيىنگى تەرگەۋ ماتەريالدارىنا سايكەس، ب.بايمۇحانوۆ پەن گ.نابييەۆا «قورعاس» شىحو اۋماعىندا ينۆەستيسيالىق وبەكتىلەردى سالۋ جانە جەر ۋچاسكەلەرىن جالعا بەرۋ تۋرالى كەلىسىمدەر جاساۋعا جانە ويىن بيزنەسىن جۇرگىزۋ ءۇشىن رۇقسات الۋعا كومەكتەسەمىز دەگەن سىلتاۋمەن ءۇش قىتايلىق ازاماتتىڭ 1 ملرد. تەڭگە كولەمىندەگى قارجىسىن يەمدەنىپ كەتكەن.

كۇدىكتى ب.بايمۇحانوۆ پەن گ.نابييەۆا 2018 جىلدىڭ 20 اقپانىندا ۇستالىپ، سوتتىڭ سانكسياسىمەن تۇتقىندالعان. سوتقا دەيىنگى تەرگەۋ جۇمىستارى جالعاسىپ جاتىر.