ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ مينيسترلىكتىڭ 2017 جىلى اتقارعان جۇمىسىنىڭ قورىتىندىلارى جانە اعىمداعى جىلعا جوسپارلانعان مىندەتتەرى تۋرالى بايانداما جاسادى.

مينيسترلىكتىڭ جۇمىسى ءۇش ستراتەگيالىق ماقساتتى ورىنداۋعا باعىتتالعان: زايىرلىلىق پرينسيپتەرىن قامتاماسىز ەتۋ جانە ءدىني تۇراقتىلىقتى ساقتاۋ؛ ازاماتتىق قوعام مەن مەملەكەتتىك ينستيتۋتتاردىڭ سەرىكتەستىگىن دامىتۋ؛ ەلدىڭ الەۋمەتتىك-ەكونوميكالىق دامۋىنا جاستاردى تارتۋ ءۇشىن جاعداي جاساۋ.

ق ر پرەزيدەنتتىڭ جارلىعىمەن «قازاقستان رەسپۋبليكاسىنىڭ ءدىن سالاسىنداعى مەملەكەتتىك ساياساتىنىڭ 2017 – 2020 جىلدارعا ارنالعان تۇجىرىمداماسى» بەكىتىلدى. تۇجىرىمداما نەگىزىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەندى. زاڭ جوباسى اياسىندا 12 نورماتيۆتىك قۇقىقتىق اكتىگە (3 كودەكس پەن 9 زاڭ) 53 تۇزەتۋلەر ەنگىزۋ  قاراستىرىلعان. قازىرگى ۋاقىتتا زاڭ پارلامەنت ماجىلىسىنە ەنگىزىلدى.

2017 جىلى تەك قانا مينيسترلىكپەن 10 774 ينتەرنەت-رەسۋرستىڭ مازمۇنىنا تالداۋ جۇرگىزىلىپ، ونىڭ ىشىندە كۇمان تۋدىرعان 3555 سايت انىقتالدى. سونداي-اق، 4332 ماتەريالعا ءدىني ساراپتاما جۇرگىزىلدى، ونىڭ ىشىندە 196 وبەكتىگە تەرىس قورىتىندى بەرىلدى. ولاردىڭ ىشىندە قىلمىستىق اتقارۋ جۇيەسىندەگى كىتاپحانا قورى دا بار. ولاردىڭ ىشىندە 13 دەسترۋكتيۆتى كونتەنت انىقتالدى.

ءدىن ماسەلەلەرى بويىنشا رەسپۋبليكالىق ءاقپاراتتىق-تۇسىندىرۋ توبى ەسەپتىك كەزەڭدە ەلىمىزدىڭ بارلىق ايماقتارىندا 250-دەن استام ءىس-شارا وتكىزىپ، وعان 20 مىڭنان استام ادام قامتىلدى. وڭىرلەردە 249 وڭىرلىك ءاقپاراتتىق-تۇسىندىرۋ توبى جۇمىس جاسايدى. ولار 2 ملن. 500 مىڭ ادامدى قامتيتىن 35 مىڭنان استام ءارتۇرلى ءىس-شارالار وتكىزدى.

قازاقستان مۇسىلماندارى ءدىني باسقارماسى جانە ورىس پراۆوسلاۆ شىركەۋىمەن ىنتىماقتاستىق تۋرالى مەموراندۋم جاسالدى. قمدب-مەن بىرگە تەولوگيالىق ءبىلىم بەرۋ جۇيەسىن جەتىلدىرۋ بويىنشا شارالار قابىلدانۋدا. «نۇر مۇباراك» ەگيپەت يسلام ۋنيۆەرسيتەتىن قازاقستانعا بەرۋ جونىندە كەلىسسوزدەر جۇرگىزىلۋدە. مەشىت يمامدارىنىڭ بىلىكتىلىك دەڭگەيىن ارتتىرۋ بويىنشا شارالار قابىلدانۋدا. «نۇر مۇباراك» ۋنيۆەرسيتەتىنىڭ بازاسىندا ەكسترەميزمنىڭ الدىن الۋ سالاسىنداعى قايتا دايارلاۋ ينستيتۋتى قۇرىلدى. اتالعان ينستيتۋتتا 65 يمام مەن مامان-تەولوگ دايىندىقتان ءوتتى.

«ۋاقىپ» قايىرىمدىلىق قورى قۇرىلدى. يمامداردى شاكىرتاقىمەن قولداۋدىڭ پيلوتتىق جوباسىن ىسكە اسىرۋ ءۇشىن اسا كومەكتى قاجەت ەتەتىن مەشىتتەر مەن ەلىمىز بويىنشا 205 ءدىن قىزمەتكەر انىقتالدى.

«كوممەرسيالىق ەمەس ۇيىمدار قىزمەتىنىڭ ماسەلەلەرى بويىنشا ق ر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى»  زاڭ جوباسى ازىرلەندى. قۇجات 2017 جىلدىڭ مامىر ايىندا پارلامەنت ماجىلىسىنە ەنگىزىلدى.

ۇكىمەتتىك ەمەس ۇيىمداردى گرانتتىق قارجىلاندىرۋ. 2017 جىلى گرانتتىق قارجىلاندىرۋ شەڭبەرىندە 618،5 ملن. تەنگەنى قۇرايتىن 57 جوبا جۇزەگە اسىرىلدى. گرانتتاردىڭ ۇشتەن ءبىرى وڭىرلەردەگى جۇمىس پەن جەرگىلىكتى قاۋىمداستىقتى دامىتۋدى قامتىدى. 2017 جىلى رەسپۋبليكا بويىنشا مەملەكەتتىك الەۋممەتتىك تاپسىرىس شەڭبەرىندە 2 333 الەۋمەتتىك جوبا ىسكە اسىرىلدى. ۇكىمەتتىك ەمەس ۇيىمداردىڭ سىيلىقاقىلارىنا 2017 جىلى 68 ملن. تەڭگە ءبولىندى.

 «ۇكىمەتتىك ەمەس ۇيىمدار دەرەكقورىنىڭ» جۇمىسى جولعا قويىلدى. دەرەكقوردا 2017 جىلى 3 مىڭعا جۋىق قازاقستاندىق جانە شەتەلدىك ۇيىمنىڭ تاجىريبەسى جيناقتالدى.

 «قوعامدىق كەڭەستەردىڭ ۇلگىلىك ەرەجەسىن بەكىتۋ تۋرالى» ۇكىمەتتىڭ قاۋلىسى ازىرلەندى. قۇجاتتا قوعامدىق كەڭەس جۇمىستارىنىڭ تەتىكتەرى ناقتى جازىلعان.

ازاماتتىق قوعام سالاسىندا جالپىۇلتتىق ديالوگ شەڭبەرىندە باستى ەكى ديالوگ الاڭدارىنىڭ جۇمىسى قامتاماسىز ەتىلدى: قازاقستاننىڭ ازاماتتىق فورۋمى جانە ءدىن ىستەرى جانە ازاماتتىق قوعام مينيسترلىگى جانىنداعى ۇەۇ اراسىنداعى ءوزارا ءىس-قيمىل جونىندەگى ۇيلەستىرۋ كەڭەسى.

مينيسترلىك «رۋحاني جاڭعىرۋ» باعدارلاماسىنىڭ «تۋعان جەر» باعىتىنداعى «اتامەكەن» كىشى باعدارلاماسىن جۇزەگە اسىرۋدا. كىشى باعدارلاما اياسىندا «الەۋمەتتىك باستامالار كارتاسى» جانە «جومارت جۇرەك» 2 نەگىزگى باعىتى ىسكە اسىرىلۋدا.

مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ نەگىزگى مىندەتتەرىن ەسكەرە وتىرىپ، 2020 جىلعا دەيىنگى «قازاقستان-2020: بولاشاققا جول» مەملەكەتتىك جاستار ساياساتىنىڭ تۇجىرىمداماسىن ىسكە اسىرۋ جونىندەگى ءىس-شارالار جوسپارى وزەكتەندىرىلدى.

جاستار ۇەۇ جوبالارىن قارجىلاندىرۋ تاسىلدەرى وزگەردى. 2017 جىلى العاش رەت گرانتتىق قارجىلاندىرۋ ەنگىزىلدى. 2017 جىلى جاستار ۇەۇ 30،9 ملن. تەڭگە سوماسىندا 3 گرانت ىسكە اسىرىلدى.

ق ر پرەزيدەنتىنىڭ 2017 جىلعى 20 قازانداعى جارلىعىمەن جانىنداعى جاستار ساياساتى جونىندەگى كەڭەستىڭ جاڭا قۇرامى بەكىتىلدى. كەڭەستى مەملەكەتتىك حاتشى باسقارادى، قۇرامىنا ورتالىق مەملەكەتتىك ورگانداردىڭ ءبىرىنشى باسشىلارى كىرەدى.