قازاقستانعا وڭتۇستىك كورەيانىڭ الەمگە تانىلعان اكتەرى لي مين حو كەلۋى مۇمكىن. ال ودان بۇرىن ءۇندىنىڭ "كەلىن" سەريالى ارقىلى تانىمال اكتەر سيدحارت شۋكلا دا جەرگىلىكتى كورەرمەنىمەن قاۋىشپاقشى. بۇل تۋرالى اقپارات "قازاقستان" تەلەارناسىنداعى "تۇنگى ستۋديا" باعدارلاماسىنىڭ Instagram جەلىسىندەگى رەسمي پاراقشاسىندا حابارلاندى.

"لي مين حونىڭ فاناتتارى، جانكۇيەرلەرى! ءۇندى اكتەرى "ءشيۆتىڭ" كەلە جاتقانى لي مين حونى شاقىرمايدى دەگەن ءسوز ەمەس! ءدال ءقازىر كورەيامەن كەلىسسوزدەر جۇرگىزىلىپ جاتىر..."، - دەلىنگەن الەۋمەتتىك جەلىدەگى پاراقشادا.

لي مين حو - اكتەر، مودەل ءارى ءانشى. ول "جيدەكتەردەن كەيىنگى گۇلدەر" (2009)، "قالا اڭشىسى" (2011) جانە "مۇراگەرلەر" (2013) سياقتى دورامالارعا (تەلەسەريال) تۇسكەننەن كەيىن تانىمال بولدى.

كۆن ويىنشىسى نۇرلان قويانبايەۆ جۇرگىزەتىن شوۋعا كورەي اكتەرىنەن بۇرىن ءۇندىنىڭ "كەلىن" سەريالىنىڭ جۇلدىزى، شيۆ رولىندە وينايتىن سيدحارت شۋكلانىڭ كەلەتىنى بەلگىلى بولدى. بۇل تۋرالى قويانبايەۆ Instagram جەلىسىندەگى رەسمي پاراقشاسىندا "تۇنگى ستۋديادا" - جۋىردا ءۇندى كينوسىنىڭ جارقىن جۇلدىزى، "كەلىن" سەريالىندا باستى رولدەردىڭ ءبىرى ءشيۆتىڭ ءرولىن سومداعان اكتەر - سيدحارت شۋكلا!"، - دەپ جازدى.

©iplay.kaztrk.kz

ەسكە سالايىق، بۇعان دەيىن قازاقستاندىقتار ءسۇيىپ كورەتىن تەلەسەريالدىڭ نەگىزگى جۇلدىزى - اناندي رولىندە ويناعان اۆيكا گور كەلىپ كەتكەن ەدى. اكتريسا وتاندىق بىرنەشە باعدارلامانىڭ تۇسىرىلىمىنە قاتىسىپ، كورەرمەندەرىنىڭ ىستىق ىقىلاسىنا بولەندى.