قازاقستاندا مەرەكە جانە دەمالىس كۇندەرى كوكتەمگى تۇراقسىز اۋا رايى كۇتىلەدى، دەپ جازادى Qamshy.kz اقپارات اگەنتتىگى قازگيدرومەت مالىمەتىنە سۇيەنىپ.

رەسپۋبليكانىڭ وڭتۇستىك، وڭتۇستىك-شىعىس جانە شىعىس وڭىرلەرىندە جاڭبىر باسىم، جاۋىن-شاشىن، قاتتى جەل كۇتىلەدى. كەي جەرلەردە جەلدىڭ ەكپىنى 15-20 م/س-گە كۇشەيىپ، تەمپەراتۋرانىڭ جوعارىلاۋىن شاقىراتىن سيكلون كاسپييدىڭ وڭتۇستىك بولىگىندە قالىپتاسا باستادى.

قازاقستاننىڭ وڭتۇستىگىندە جانە وڭتۇستىك-شىعىسىندا كۇندىزگى اۋا تەمپەراتۋراسى 8...13 گرادۋس، كەيبىر جەرلەردە 18، 15...20، كەي جەرلەردە 25 گرادۋس، شىعىسىندا 3...8 گرادۋس جىلى بولادى.

قازاقستاننىڭ باتىس، سولتۇستىك جانە ورتالىق وبلىستارىنا باتىس سىبىردەن سۋىق، ىلعالدى اۋا ماسسالارى كەلە باستايدى. وسىعان بايلانىستى قار مەن جاڭبىر، سونداي-اق بوران، كوكتايعاق بولىپ، جەلدىڭ ەكپىنى 15-23 م/س-گە دەيىن كوتەرىلەدى دەپ كۇتىلۋدە.