گەنناديي گولوۆكيننىڭ جاتتىقتىرۋشىسى ابەل سانچەس GGG مەن ءوزىنىڭ ساۋل الۆارەستىڭ دوپينگ-سىناماسىندا كلەنبۋتەرولا قالدىقتارى تابىلعانىن قايدان ەستىگەنىن ايتتى. بۇل جايىندا Sports.kz جازادى.

—ءتۇس كەزىندە مەن ءوز جاتتىقتىرۋ زالىمدا بولدىم. بىزدە دايىندىق ءجۇرىپ جاتتى. مەن توم لەففلەردەن حابارلاما الدىم. «ماڭىزدى جاڭالىق بار، حابارلاس» دەپ جازىپ جىبەرىپتى. مەن ول ساتتە اڭگىمەنىڭ گولوۆكينگە قاتىسى بار ەكەنىن بىلگەن جوقپىن. سول كەزدە  گەننادييدە بارلىعى دايىن بولدى. باسپا ءسوز كونفەرەنسياسى دا وتكەندىكتەن اڭگىمە باسقا بوكسشى جايىندا ەكەن دەپ ويلادىم. ارينە، مەنىڭ كوڭىلىم قالدى. الايدا VADA ساراپشىلارى مەن كوميسسيا وقيعانىڭ ءمان-جايىن انىقتامايىنشا، ءبىزدىڭ ۇسىنىس جاساۋىمىز اقىماقتىق بولار ەدى، - دەپ مالىمدەدى سانچەس.

گولوۆكيننىڭ دە «كانەلو» مەن ونىڭ كومانداسىنان كوڭىلى قالعان كورىنەدى. الايدا ساراپشىلاردىڭ نە ايتاتىنىن كۇتىپ وتىر.