بريتاندىق استروفيزيك جانە كوسمولوگ ستيۆەن حوكينگ 76 جاسقا قاراعان شاعىندا ومىردەن ءوتتى، دەپ حابارلايدى Qamshy.kz اقپارات اگەنتتىگى BBC News سايتىنىڭ دەرەگىن نەگىزگە الا وتىرىپ. 

حوكينگ قارا قۇردىم تەورياسى مەن سالىستىرمالىلىق تەورياسى سالاسىنداعى زەرتتەۋلەرىمەن تانىلعان. سونداي-اق، بريتاندىق فيزيك-تەورەتيك بىرنەشە تانىمال كىتاپتاردىڭ، سونىڭ ىشىندە «ۋاقىتتىڭ قىسقاشا تاريحى» اتتى ەڭبەكتىڭ اۆتورى.

حوكينگتىڭ بالالارى — ليۋسي، روبەرت جانە تيم BBC-گە سۇيىكتى اكەلەرىنىڭ قايتىس بولعانىنا قاتتى كۇيزەلەتىندىكتەرىن جەتكىزگەن. «ول ۇلى عالىم جانە ەرەكشە ادام بولدى. ونىڭ ەڭبەكتەرى مەن مۇراسى ءومىر بويى جاسايدى»، دەپ حابارلادى اگەنتتىك ولاردىڭ سوزدەرىن.

1960-جىلداردىڭ باسىندا حوكينگتە ءبۇيىر اميوتروفيكالىق سكلەروز بەلگىلەرى پايدا بولىپ، سونىڭ سالدارىنان سال اۋرۋىمەن ناۋقاستاندى. ءبىراق، ول عىلىمي قىزمەتىمەن بەلسەندى اينالىستى.