نۇرسۇلتان نازاربايەۆ سي سزينپينگە جۇڭگو حالىق رەسپۋبليكاسىنىڭ ءتوراعاسى قىزمەتىنە قايتا تاعايىندالۋىنا بايلانىستى قۇتتىقتاۋ جەدەلحاتىن جولدادى.
بۇل تۋرالى اقوردانىڭ باسپا ءسوز قىزمەتى حابارلايدى.
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان سي ءسزينپيندى جۇڭگو حالىق رەسپۋبليكاسىنىڭ ءتوراعاسى لاۋازىمىنا قايتا تاعايىندالۋىمەن قۇتتىقتادى. قازاقستان پرەزيدەنتى بۇل وقيعانى ەلدىڭ ۇلتتىق مۇددەسىن ىلگەرىلەتۋ ىسىنە زور ۇلەس قوسقان سي سزينپينگە جۇڭگو حالقىنىڭ جوعارى باعاسى رەتىندە اتاپ ءوتتى.
«جۇڭگو ءسىزدىڭ باسشىلىعىڭىزبەن ورتاشا اۋقاتتى قوعام قۇرۋ جولىندا بۇدان دا بيىك شىڭداردى باعىندىراتىنىنا سەنىمدىمىن. كەلەشەكتە قازاقستان مەن قىتايدىڭ ءتۇرلى سالالارداعى ستراتەگيالىق ارىپتەستىگى قارقىندى دامي بەرەتىنىنە جانە حالىقتارىمىزدىڭ دوستىعى ودان ءارى نىعايا تۇسەتىنىنە ەش كۇمانىم جوق. وسىعان وراي ءوزارا سەنىم مەن تۇسىنىستىككە نەگىزدەلگەن ءبىزدىڭ جەكە دوستىعىمىزدىڭ ماڭىزى ەرەكشە. ارامىزداعى قارىم-قاتىناستارىمىز بەن بىرلەسكەن جۇمىسىمىز كەلەشەكتە استانا مەن پەكيننىڭ جەمىستى ىنتىماقتاستىعىنىڭ بەرىك تىرەگى بولاتىنىنا كامىل سەنەمىن»، - دەلىنگەن جەدەلحاتتا.
نۇرسۇلتان نازاربايەۆ سي سزينپينگە زور دەنساۋلىق، باق-بەرەكە تىلەپ، دوستاس جۇڭگو حالقىنىڭ وركەندەۋى مەن دامۋىنا نيەتتەستىك ءبىلدىردى.
