وڭتۇستىك قازاقستان وبلىسىندا زورلاندى دەلىنگەن 7 جاسار بالانىڭ اناسى تابىلىپ، استاناعا كەلدى دەپ جازادى Qamshy.kz اقپارات اگەنتتىگى. ءبىراق كەلىنشەككە قۇقىق قورعاۋشىلار ءوز ۇلىن ءبىراز ۋاقىت كورسەتپەي قويعان. بۇل تۋرالى ونىڭ ادۆوكاتى باۋىرجان ازانوۆ الەۋمەتتىك جەلى ارقىلى جولداعان ۆيدەوۇندەۋىندە ايتتى.
«بالانىڭ اناسى ءدال ءقازىر مەنىڭ جانىمدا. ول اناسى مەن اپكەسىنە بەرگەن سەنىمxاتتىڭ كۇشىن جويدى. سوندا دا ءبىزدى بالاعا جولاتپاي وتىر. اناسى قۇقىق قورعاۋ ورگاندارىنان تۇسىنىكسىز جاعدايعا جاۋاپ بەرۋىن سۇرادى. بىزگە بالانى بەرمەي وتىرعانداردىڭ ناقتى كىم ەكەنى بەلگىسىز.ولارعا ءبىر ەمەس بىرنەشە سۇراق قويدىق، الايدا جاۋاپ الا الماي وتىرمىز. ءبىز پوليسەيلەر مەن پروكۋرورلاردى شاقىردىق»، — دەدى زاڭگەر ازانوۆ.
اراعا ءبىراز ۋاقىت سالىپ انا مەن بالا اقىرى قاۋىشتى. وسى ءىستىڭ باسى-قاسىندا جۇرگەن ارۋجان سايىن ءوزىنىڭ Facebook پاراقشاسىندا جازعانداي، ىسكە باس پروكۋراتۋرانىڭ وكىلدەرى ارالاسقاننان كەيىن عانا ايەلگە ءوز ۇلىن قايتارىپ بەرگەن.
