بۇدان 3 جىلعا جۋىق ۋاقىت  بۇرىن ءال-فارابي اتىنداعى قازۇۋ رەكتورىنىڭ باستاماسىمەن شىعىستانۋ فاكۋلتەتىندە تۇركسوي كافەدراسى اشىلعان بولاتىن. جاقىندا وسى كافەدرانىڭ ەڭ ۇزدىك ستۋدەنتتەرىنە حالىقارالىق تۇركى مادەنيەتى ۇيىمى (تۇركسوي) اتىنان يگى داستۇرگە اينالعان شاكىرتاقى ارنايى تابىس ەتىلدى.

حالىقارالىق ۇيىمنىڭ  تۇركىسوي-داعى قازاقستان رەسپۋبليكاسى مادەنيەت جانە اقپارات مينيسترلىگىنىڭ وكىلى اسقار تۇرعانبايەۆ تۇركسوي كافەدراسىنىڭ "تۇركىتانۋ"، «شەتەل فيلولوگياسى: تۇرىك ءتىلى»، «اۋدارما ءىسى»، «شىعىستانۋ» ماماندىقتارى بويىنشا ءبىلىم الاتىن ستۋدەنتتەردى ىنتالاندىرۋ جانە الەۋمەتتىك تۇرعىدان قولداۋ ماقساتىندا بەرىلگەن شاكىرتاقىنى ارنايى كەلىپ تابىستادى.  ءاربىرى 100 000 (ءجۇز مىڭ) تەڭگە كولەمىندەگى ءبىر رەتتىك شاكىرتاقى تۇركسوي كافەدراسىنىڭ بەلسەندى جانە ەڭ وزات 5 ستۋدەنتىنە بەرىلدى.

جيىندا ءسوز سويلەگەن تۇركسوي حالىقارالىق ۇيىمنىڭ تۇركىسوي-داعى قازاقستان رەسپۋبليكاسى مادەنيەت جانە اقپارات مينيسترلىگىنىڭ وكىلى اسقار تۇرعانبايەۆ ءال-فارابي اتىنداعى  قازاق ۇلتتىق ۋنيۆەرسيتەتىنىڭ باسشىلىعىن سوڭعى ۋاقىتتاعى ءبىلىم بەرۋ مەن عىلىم سالاسىنداعى حالىقارالىق دەڭگەيدە قول جەتكىزگەن جەتىستىكتەرىمەن قۇتتىقتاپ، حالىقارالىق ۇيىم مەن ۋنيۆەرسيتەت اراسىنداعى  ىنتىماقتاستىقتىڭ بۇدان ءارى دە دامي تۇسەتىنىنە سەنىم ءبىلدىردى.

 جيىن سوڭىندا  ءال-فارابي اتىنداعى  قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ تۇركسوي ۇيىمىنىڭ باسشىلىعىنا ستۋدەنتتەرگە كورسەتكەن قولداۋلارى ءۇشىن ەرەكشە العىسىن ءبىلدىردى.

تۇركسوي كافەدراسى

 ەشمەتوۆا ب.ب.