وقو سارىاعاش اۋدانىنى اباي اۋىلىنداعى داۋ ءالى باسىلمادى. قوعام بەلسەندىلەرى زاعيپا بالييەۆانىڭ وتستاۆكاعا كەتۋىن تالاپ ەتىپ وتىر. سونىمەن بىرگە ءساپارالى سەلتانوۆ پەن زاعيپا باليۆانىڭ بۇرىن قىزمەتتەس بولعانى انىقتالدى دەپ جازادى Qamshy.kz اقپارات اگەنتتىگى.  بۇل تۋرالى امەنگەلدى باتىربەكوۆ ءوزىنىڭ فەيسۋك پاراقشاسىنا جاريالادى. 

داۋ شىققان مەتكەپتىڭ ديرەكتورى جەرگىلىكتى ءماسليحات دەپۋتاتى ءساپارالى سەلتانوۆتىڭ كەلىنى ەكەن. ال، ءقاينىسى بولسا وقو ىشكى ىستەر دەپارتامەنتىندە باسشىلىق قىزمەتتە. 

ەسكە سالا كەتەتىن بولساق، سارىاعاشتاعى وقيعاعا بايلانىستى كۇمان تۋدىراتىن سايكەستىكتەر انىقتالعان بولاتىن. 

ءبىرىنشى سىنىپ وقۋشىسىن زورلادى دەگەن جەتكىنشەكتىڭ تەگى مەكتەپ ديرەكتورىنىڭ تەگىمەن سايكەس، سەلتانوۆتار ەكەنى بەلگىلى بولدى. تاعى دا ايتا كەتەرلىگى اۋداندىق ءماسليحات دەپۋتاتى، ءجابىر كوردىم دەگەن بالاعا العاش تەكسەرىس جۇرگىزگەن دارىگەر-ۋرولوگ جانە وقو ءىىد كريمينالدى پوليسيا باستىعى دا سەلتانوۆتار بولىپ شىقتى.

اشىق دەرەكتەر قورى دا بۇل مالىمەتتى راستاپ وتىر. 7 جاستاعى ءبىرىنشى سىنىپ وقۋشىسى نۇرسۇلتان وقيتىن №74 مەكتەپ ديرەكتورى بەيبىگۇل سەلتانوۆا، وقو ءىىد كريمينالدى پوليسيا باستىعى باۋىرجان سەلتانوۆ جانە سارىاعاش اۋداندىق ءماسليحات دەپۋتاتى ساپارعالي سەلتانوۆ تا ءبىر مەكەن-جايدا تىركەلگەنى بەلگىلى بولدى.

«بارشاڭىزعا بەلگىلى، ومبۋدسمەن زاعيپا بالييەۆا 1996 جىلدان 2005 جىلعا دەيىن قازاقستان رەسپۋبليكاسى ورتالىق سايلاۋ كوميسسياسىنىڭ باسشىسى بولدى. ال، بۇل ۋاقىتتا ءساپارالى سەلتانوۆ سارىاعاش اۋدانى بويىنشا سايلاۋ كوميسسياسىنىڭ ءتوراعاسى ەدى. زاعيپا بالييەۆا بۇل كەزدە جوعارىدا وتىرىپ نە ىستەگەنى بىزگە بەلگىسىز، ونىڭ ۇستىنە قىزىق تا ەمەس. ال، ءبىزدىڭ "قۇرمەتتى" ءساپارالى سەلتانوۆتىڭ نەمەن اينالىسقانىن ءبىز جاقسى بىلەمىز. ەگەر بىلمەسەڭىزدەر، ءبىراق بىلگىلەرىڭىز كەلسە Yotube پورتالىندا «سارىاگاش-ينفورم 2. بەسپرەدەلنىە ۆىبورى ۆ سارىاگاشە» دەپ اتالاتىن ۆيدەوروليكتى كورۋلەرىڭىزگە بولادى 8 جىل بويى بىرگە قىزمەتتەس بولعان «بالييەۆا سەلتانوۆقا قيانات جاساي المايدى»، - دەپ جازدى امانگەلدى باتىربەكوۆ.