بۇگىن 13ء-شى شاقىرىلىمداعى بۇكىلقىتايلىق حالىق وكىلدەرى جينالىسىنىڭ تاريحي 1-سەسسياسىندا قحر مەملەكەتتىك كەڭەسى پرەمەرىنىڭ جانە باسقا دا كونستيتۋسيالىق ورگانداردىڭ كانديداتتارى بەكىتىلدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
قحر مەملەكەتتىك كەڭەسىنىڭ پرەمەرى لاۋازىمىنا لي كەسيان، ورتالىق اسكەري كەڭەس ءتوراعاسىنىڭ ورىنباسارلارى رەتىندە سيۋي سيليان جانە چجان يۋسيا بەكىتىلدى. جاڭا كونستيتۋسيالىق قۇرىلىم - مەملەكەتتىك قاداعالاۋ كوميسسياسىنىڭ ءتوراعاسى لاۋازىمىنا يان سياودۋ سايلاندى، جوعارعى حالىق سوتىنىڭ ءتوراعاسى لاۋازىمىنا - چجوۋ سيان، جوعارعى حالىق پروكۋراتۋراسىنىڭ باس پروكۋرورى لاۋازىمىنا - چجان سزيۋن بەكىتىلدى.
لاۋازىمدى تۇلعالاردىڭ بارلىعى كونستيتۋسياعا ادال بولۋعا انت بەردى. بۇل ءراسىم قىتايدىڭ نەگىزگى زاڭىنا ەنگىزىلگەن تۇزەتۋلەرگە سايكەس العاش رەت وتكىزىلىپ وتىر.
