زىرياندا كيىمىنە اقشا جابىستىرىپ العان جىگىت كوشە ورتاسىنا شىعىپ،جۇرتتى تاڭ قالدىردى دەپ جازادى Qamshy.kz اقپارات اگەنتتىگى altaynews.kz سايتىنىڭ دەرەگىن نەگىزگە الا وتىرىپ.  سويتسەك ول قايىرىمدىلىق جاساۋدىڭ ەرەكشە ءادىسىن ويلاپ تاۋىپتى. قاسىنا «اقشا كەرەك بولسا،ال» دەگەن جازۋ جازىپ قويعان ونىڭ ارەكەتى، وتكەن-كەتكەندى تاڭ قالدىرماي قويمادى.بۇل يدەيانىڭ اۆتورى زىرياندىق جاس كاسىپكەر يۋريي توكاريەۆ.ال كيىمدى كيىپ قالا كوشەسىندە تۇرۋعا نيەت بىلدىرگەن ماركەتولوگ مامان دەنيس نيكوركين.

–  مەن بۇل يدەيانىڭ ىسكە اسۋىن ءبىر اپتا كۇتتىم. ويتكەنى تۇرعىنداردىڭ قالاي قابىلدايتىنى وتە قىزىق بولدى،-دەيدى ول.

الايدا كيىمىنە اقشا جاپسىرىپ،كىم السا سول السىن دەپ تۇرعان جىگىتكە ەشكىم جولاي قويمادى. كەرىسىنشە وعان قىزىقتاپ قاراپ تۇرعاندار كوپ بولدى.

– بۇل — تاماشا يدەيا. بۇل جىگىت تە مىقتى ەكەن،ۇيالماي ەل الدىنا وسىلاي شىعىپ،كومەك ۇسىنىپ تۇرعان،-دەيدى قالا ستۋدەنتتەرى اندرەي پورۆاتكين،سەرىك ءادىلحانوۆ، داۋلەتجانمۋرزينوۆتار.

دەگەنمەن  ازدان سوڭ ءبارى وزگەردى، ەڭ الدىمەن جاس جىگىتتىڭ كيىمىندەگى اقشالاردى بالالار جۇلىپ الا باستادى. شىرقايىڭ اۋىلىنان كەلگەن ەكى جاسار ارمان رينات ۇلى ەكى ءجۇز تەڭگەلىكتىڭ بىرەۋىن الدى. اتا-اناسى  ول اقشاعا  ءتاتتى الىپ بەرەمىز دەستى.

ءسويتىپ زىرياندىقتار اكسياعا اقىرىنداپ ارالاسا باستادى.  شارانىڭ باستى تالابى-الىنعان اقشانى نەگە جاراتاتىنىڭدى ايتۋ. زەينەتكەرلەر دارى-دارمەك الامىز دەپ،ستۋدەنتتەر تۇسكى اسقا دەپ الا باستادى. ال جاستار ورتالىعنىڭ قىزمەتكەرلەرى العان اقشالارىن اياگوز اۋدانىنا جونەلتەتىندىگىن ايتتى.

– وسىلايشا كيىمگە 200 تەڭگەدەن جاپسىرىلعان 20 مىڭ تەڭگە 45 مينۋتتىڭ ىشىندە تاراتىلدى. ايتا كەتۋ كەرەك ەشكىم دە اشكوزدەنىپ تالاپ العان جوق،ءتىپتى ساڭىراۋ ازاماتتىڭ ءوزى كەلىپ تەك 400 تەڭگە عانا الدى،كوبىرەك الۋدى ۇسىنعان ەدىم،جوق وسى دا جەتەدى دەپ باس تارتتى. تەك تاكسيستەردىڭ تابەتى جاقسى ەكەن، تەمەكى الامىز دەپ بىرنەشە ەكى جۇزدىكتى جۇلىپ الدى، — دەيدى  اقشا تاراتقان جىگىت.

تۇرعىندار تاراپىنان تاڭ قالارلىق قادامدار دا بايقالدى. ءوتىپ بارا جاتقان ءبىر جىگىت  اقشا العاننىڭ ورنىنا، جاپسىرىپ ال دەپ 200 تەڭگە ۇستاتىپ كەتكەن.