پاۆلودارداعى جەتىمدەر ءۇيىنىڭ تاربيەلەنۋشىسى داۋلەتحان اقانوۆ نتۆ ارناسىنداعى «تى سۋپەر!» ۆوكال بايقاۋىنىڭ ەكىنشى كەزەڭىنە ءوتتى، دەپ حابارلايدى Qamshy.kz اقپارات اگەنتتىگى.
«داۋلەتحان ءان ايتقاندى جانە فۋتبول ويناعاندى جاقسى كورەدى. ول كاسىبي دەڭگەيدەگى ءانشى بولعاندى ارماندايدى. داۋلەتحان اقانوۆ پەن ونىڭ باۋىرلارىنىڭ اكەسى بار، ءبىراق ول بالالارىنا ءتورت جىل بويى كەلمەگەن. نەگە ەكەنىن بەلگىسىز. ونىڭ سوزىنشە، بالانىڭ اكەسى باسىندا وعان حات جازىپ، سىيلىق جىبەرىپ جۇرگەن، كەيىن بايلانىستارى ءۇزىلىپ قالعان. داۋلەتتىڭ ارمانى – انالارىمەن بىرگە تۇرۋ. انالارى ءقازىر انا قۇقىعىن قايتا الۋعا تىرىسىپ جاتىر ەكەن، داۋلەت ءبارى جاقسى بولىپ كەتسە ەكەن دەپ تىلەيدى»، – دەلىنگەن تەلەارنا سايتىندا.
پاۆلودارلىق ءجاسوسپىرىمنىڭ ونەرىن يگور كرۋتوي، سەرگەي لازاريەۆ، يۋليانا كاراۋلوۆالار باعالادى، ۆيكتور دروبىش قانا جاسىل تەتىكتى باسپادى.
يۋليانا كاراۋلوۆاعا داۋلەتحاننىڭ ساحنادا ءوزىن-وزى ۇستاۋى قاتتى ۇناعان. الايدا قوبالجۋدىڭ سالدارىنان قاتەلىكتەردىڭ ورىن العانىن دا ەسكەرتتى. الايدا كەلەسى سايىستا داۋلەتحاننىڭ كەرەمەت ونەر كورسەتەتىنىنە سەنىم ءبىلدىردى.
