«ناستوياششەە ۆرەميا» تەلەكانالىنىڭ ءجۋرناليسى رەنات داۆلەتگيلدەيەۆ لدپر فراكسياسىنىڭ ليدەرى ۆلاديمير جيرينوۆسكييدى سەكسۋالدىق الىمجەتتىك كورسەتتى دەپ ايىپتادى. داۆلەتگيلدەيەۆ وزگە ەر ادامداردى ساياساتكەر تارابىنان جاسالعان الىمجەتتىكتى اشىق ايتۋعا شاقىردى.
ءجۋرناليستىڭ سوزىنشە، جيرينوۆسكيي 2006 جىلى "ميسس روسسيا" بايقاۋىنىڭ فينالىندا سۇحبات الار كەزىندە تيىسكەن. بۇل وقيعا داۆلەتگيلدەيەۆ ءوزىنىڭ ءداستۇرلى ەمەس جىنىستىق كوزقاراسىن جاريالاعانعا دەيىن بولعان. ءبىراق بۇل جونىندە ايتۋدان ۇيالىپ كەلگەن.
ۆلاديمير جيرينوۆسكييدىڭ ۇلى، مەملەكەتتىك دۋمانىڭ ءتوراعا ورىنباسارى يگور لەبەديەۆ "ناستوياششەە ۆرەميا" تىلشىسىنە بۇل وقيعا تۋرالى تۇسىنىكتەمە بەرۋدەن باس تارتىپ، "سىزبەن سويلەسكىم كەلمەيدى. مەن سىزبەن گەي ارىپتەسىڭىز تۋرالى تالقىلايدى دەيسىز بە، مەن نە سونشالىقتى ءتۇسىپ كەتتىم بە؟" دەگەن.
وسىعان دەيىن ءبىرقاتار جۋرناليست ليبەرالدىق-دەموكراتيالىق پارتيانىڭ (لدپر) تاعى ءبىر دەپۋتاتى لەونيد سلۋسكييدى دە "سەكسۋالدىق الىمجەتتىك كورسەتتى" دەپ ايىپتاعان. مەملەكەتتىك دۋما كوميسسياسى دەپۋتاتتىڭ ىسىنەن وعاش ارەكەت تاپپاعانىن ايتىپ، قۇقىق قورعاۋ ورگاندارىنا شاعىمدانۋدى ۇسىنعان. وسىدان كەيىن بىرنەشە رەسەيلىك ب ا ق پارلامەنتتە جۇمىس ىستەۋدەن باس تارتقان. سلۋسكييدىڭ ءوزى بۇل ايىپتاۋلاردى "دالباسا" دەپ اتاعان.
پىكىر قالدىرۋ