قازاق ەستراداسىنىڭ بەلگىلى انشىلەرىنىڭ ءبىرى ايگەرىم قالاۋبايەۆانى توناپ كەتتى. ەڭ جامانى بۇل "سۇمدىق" وقيعا ءانشىنىڭ كوپتەن كۇتكەن جاڭا كليپىن ءتۇسىرۋ بارىسىندا بولعان.
ۇساق-تۇيەكتى ايتپاعاندا، ۇرلانعان زاتتار اراسىندا ايگەرىمنىڭ ساتىپ العانىنا كوپ بولماعان، ياعني، ءالى ىستىق-سۋىعى دا باسىلماعان "iPhone 5s 16GB Silver" ماركاسىنداعى ۇيالى تەلەفونى بار.
قانشا قىمبات بولسا دا، ءبىراق ءانشى وعان اسا قىنجىلا قويماعانىن ايتادى. ارينە، ول ونىڭ اقشاسى تاسىپ، قالتاسىنا سىيماي جاتقاندىعىنان ەمەس، سابىر ساقتاي بىلگەنىندە بولىپ تۇر عوي.
قالاۋبايەۆانى جاقسى تانيتىن جاندار ونىڭ قاشاندا ءپوزيتيۆتى كوڭىل كۇيمەن جۇرەتىنىنە ءسۇيسىنىس بىلدىرەدى. ونىسىن ءانشى ءبىز حابارلاسقاندا دا دالەلدەي ءتۇسىپ: "ەسەسىنە تەلەفونىم جاڭاردى، مەندە ەندى iPhone 6 بار" دەپ كۇلدى.
"تەك كوپتەگەن كەرەك كونتاكتىلەردەن ايرىلىپ قالعانىم كوڭىلدى قىنجىلتادى"،- دەپ ءسوزىن جالعادى ول.
