«قارا شاڭىراق» سەريالىندا داۋلەت ءرولىن سومداعان اكتەر ءادىل احمەتوۆ Baisatars.kz سايتانا ءوز ويىمەن ءبولىستى.

ول ءوز سوزىندە: "بۇل سەريال ەڭ ءبىرىنشى باستالعان كەزدە كوپ اكتەرلەر قاشقاقتادى. ويتكەنى، 100 سەريا دەگەندە ءبارى شوشىدى. قالاي 100 سەريا، قانشاما ۋاقىت كەتەدى، 8 ايعا دەيىن كەتۋى مۇمكىن عوي دەگەن سەكىلدى قورقىنىش بولدى. ءبارى شوشىدى. ال، مەن كەرىسىنشە تۇسكىم كەلدى. ويتكەنى، 100 سەريا دەگەن قايتا جاقسى دەپ ەسەپتەدىم. سەبەبى، بىزدەگى كوپ سەريالدار 10-20 سەريادان تۇرادى. وعان حالىق باۋىر باسىپ ۇلگەرە الماي قالادى. شورتاڭ ەتىپ ءبىتىپ قالادى. ەندى 100 سەريا بولعاندىقتان وعان بىرتە-بىرتە حالىق سەنىپ، ءوزىنىڭ تۋىسىنداي بولىپ كەتەدى. كينونىڭ ماقساتى حالىقتى سەندىرە ءبىلۋ، حالىقتى سول سەريالمەن ءومىر سۇردىرە ءبىلۋ. سولاي جاقسى-جاقسى ويلار تاستاۋ. ەڭ باستى ماقسات حالىققا پىكىر قالدىرۋ، وي تاستاۋ. سونى ورىندادىق دەپ ويلايمىن. 6 اي بويى كۇن دەمەي، ءتۇن دەمەي تەر توگىپ قىزمەت ەتتىك. كينودا جىلدام، قاعلەز بولۋىڭ كەرەك. دۋبلدەر وتە كوپ بولىپ كەتەتىن كەزدەر دە بولادى، سونداي كەزدە ءتۇرلى مىنەزدەردى وزىڭە سىندىرە باستايسىڭ، سابىرلى بولا تۇسەسىڭ. كوپ نارسە ۇيرەندىم. جالپى سەريال اكتەر ءۇشىن وتە كوپ تاجىريبە بەرەدى ەكەن." دەدى.