قۇرمانعازى ءمۇسىر مەن زاڭگەر دىنمۇحاممەد ارتىقوۆ 7 جاستاعى بالانىڭ «زورلانۋىنا» قاتىستى  سەلتانوۆتىڭ قىسىم كورسەتىپ جاتقانى مالىمدەدى دەپ جازادى Qamshy.kz اقپارات اگەنتتىگى. ولاردىڭ ايتۋىنشا، ءساپارالى سەلتانوۆ اۋىل اقساقالىنا قىىم كورسەتكەن كورىنەدى. 

«29 ناۋرىزدا ماعان اۋىل اقساقالى، ءبىزدىڭ الىس تۋىسىمىز نۇرمان مەرەجەپوۆ حابارلاسىپ،  قۇرمانعازى ەكەۋمىزدى كەزدەسۋگە شاقىردى. كەزدەسۋ بارىسىندا ول بىزدەن اتالعان ءىستى جاۋىپ تاستاۋىمىزدى ءوتىندى. بۇل ىسكە ەشقانداي قاتىسى جوق اقساقالدىڭ وسىنداي ءوتىنىش جاساۋداعى سەبەبىن سۇراعانىمدا، ول «مەنىڭ ومىرىمە ءقاۋىپ ءتونىپ تۇر» دەپ جاۋاپ بەردى. اقساقالدىڭ  «وقو كريمينالدى پوليسيا باسقارماسىنىڭ باسشىسى ەكى ءىنىڭدى توقتاتپاساڭ سەنى تۇرمەگە وتىرعىزامىن» دەپ قورقىتقانىن ايتتى. وسىلاي كريمينالدى پوليسيا باسشىسى ءبىزدى توقتاتسىن دەپ اقساقالعا قىسىم كورسەتىپ جاتىر. اۋىل اقساقالى ءوزىنىڭ وتباسىنا ءقاۋىپ ءتونىپ تۇرعاندىقتان مەنەن ءىستى جابۋدى سۇراپ، ءوتىنىش جاساپ وتىر»، دەيدى دىنمۇحاممەد ارتىقوۆ.