2018 جىلعى 30 ناۋرىزدا استانا قالاسىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆانىڭ جانە قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى بەرىك يماشيەۆتىڭ ءتوراعالىق ەتۋىمەن ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسى مەن ورتالىق سايلاۋ كوميسسياسىنىڭ بىرلەسكەن وتىرىسى ءوتتى، دەپ حابارلايدى Qamshy.kz اقپارات اگەنتتىگى. 

وتىرىسقا ق ر پارلامەنتىنىڭ دەپۋتاتتارى، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا، ورتالىق سايلاۋ كوميسسياسى مۇشەلەرى،  استانا قالاسىنداعى ەقىۇ باعدارلاما ءوفيسى، «بۇۇ-ايەلدەر» سىندى حالىقارالىق ۇيىمداردىڭ وكىلدەرى، ق ر پارلامەنتى ماجىلىسىنە ەنگەن ساياسي پارتيالاردىڭ جەتەكشىلەرى، سونداي-اق، سەلەكتورلىق رەجيمدە وبلىستار، استانا جانە الماتى قالالارىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مەن اۋماقتىق سايلاۋ كوميسسيالارىنىڭ جەتەكشىلەرى قاتىستى. 

وتىرىستىڭ اشىلۋىندا سويلەگەن سوزىندە، گۇلشارا ءابدىقالىقوۆا  ەلباسىنىڭ «بەس الەۋمەتتىك باستاماسىنىڭ» ايەلدەر قوعامداستىعىنا ۇلكەن يمپۋلس بەرگەنىن اتاپ ءوتتى.

- پرەزيدەنت ن.نازاربايەۆتىڭ «ءتورتىنشى ونەركاسىپتىك ريەۆوليۋسياسى جاعدايىنداعى جاڭا مۇمكىندىكتەر» جولداۋىندا جانە «رۋحاني جاڭعىرۋ» باعدارلامالىق ماقالاسىندا كورسەتىلگەن ماقساتتاردىڭ ورىندالۋى - ايەلدەر ۇيىمدارىنىڭ بەلسەندى قاتىسۋىن تالاپ ەتەدى، - دەدى مەملەكەتتىك حاتشى. 

ق ر ورتالىق سايلاۋ كوميسسياسىنىڭ ءتوراعاسى بەرىك يماشيەۆ كوميسسيادا سايلاۋ پروسەستەرىندە گەندەرلىك اسپەكتىلەردىڭ قاراستىرىلعانىن، سونداي-اق،  2016 جىلعى ءماسليحات سايلاۋى كەزەڭىندە ايەلدەردىڭ ۇسىنىلۋ، تىركەلۋ، تىركەۋدەن الىپ تاستاۋ سەبەپتەرى جانە سايلانۋى جونىندە جانە 2016-2018 جىلدار ارالىعىندا وتكەن شىعىپ قالعاندار ورنىنا وتكىزىلگەن ءتورت سايلاۋ كامپانيالارى بويىنشا تالداۋ جۇرگىزىلگەنىن ايتتى.

ق ر وسك باسشىسى سايلانبالى لاۋازىمدارعا ءوز كانديداتۋرالارىن ۇسىنعان ايەلدەردىڭ دايىندىقتارىنىڭ ۇقىپتىلىعىن، سايلاۋ زاڭناماسىنىڭ شارتتارىن ورىنداۋىن جانە كوپ جاعدايدا جەڭىسكە جەتەتىنىن اتاپ ءوتتى.   

سونىمەن بىرگە، ب.يماشيەۆ، مۇنداي وتىرىستار ورتسايلاۋكومعا سايلاۋدى ۇيىمداستىرۋشى رەتىندە سايلاۋ قورىتىندىلارىن تالداۋ جاساۋعا، جانە سايلاۋ پروسەستەرىنىڭ قاتىسۋشىلارىمەن، سونىڭ ىشىندە ساياسي پارتيالارمەن، تالاقىلاۋعا مۇمكىندىك بەرەدى.

وتىرىس بارىسىندا ق ر وسك ءتوراعاسىنىڭ ورىنباسارى ك.پەتروۆ، ق ر وسك مۇشەسى ل.سۇلەيمەن، ق ر مەملەكەتتىك قىزمەت جانە جەمقورلىققا قارسى اگەنتتىگىنىڭ ءتوراعا ورىنباسارى ا.شايموۆا، «نۇر وتان» پارتياسىنىڭ حاتشىسى ف.قۋانعانوۆ، قكحپ ورتالىق كوميتەتىنىڭ حاتشىسى، پارلامەنت ءماجىلىسىنىڭ دەپۋتاتى ا.قونىروۆ، «اق جول» دەموكراتيالىق پارتياسى ءتوراعاسىنىڭ ورىنباسارى، پارلامەنت ءماجىلىسىنىڭ دەپۋتاتى ە.نيكيتينسكايا جانە باسقالارى ءسوز سويلەدى.

وتىرىس بارىسىندا ايەلدەردىڭ مەملەكەتتىك قىزمەتتە جانە سايلانبالى ورگانداردا شەشىم قابىلداۋ دەڭگەيىندەگى وكىلدىگى بويىنشا ستاتيستيكالىق ماعلۇماتتار ايتىلدى. بارلىق مەملەكەتتىك قىزمەتكەرلەردىڭ 55 %-ىن ايەلدەر قۇرايدى. باسشىلىق قىزمەتتەگى ايەلدەر ۇلەسى - 39،5%، ونىڭ ىشىندە جوعارعى باسشىلىق قىزمەتتە - 29%. بۇل سان ەىدۇ-نىڭ ورتاشا كورسەتكىشىنە ساي كەلەدى. قوستاناي وبلىسى ءماسليحاتتاردا (31%) جانە باسقا دا مەملەكەتتىك ورگانداردا (61%) ايەلدەر سانى بويىنشا كوش باستاپ كەلەدى.