شىمكەنتتە ساپاسىز بالمۇزداقتان ۋلانعانى تۋرالى شاعىم تۇسىرگەن 97 پاسيەنت اۋرۋحانادان شىقتى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الا وتىرىپ.

«بۇگىنگى تاڭدا زارداپ شەگۋشىلەر شىعارىلىپ جاتىر. دەسە دە، ءالى دە 88 ادام اۋرۋحانادا، 97ء-سى شىقتى. مەنىڭ ويىمشا، الداعى 1-2 كۇندە زارداپ شەككەندەردىڭ ءبارى دە ۇيىنە قايتادى»، - دەيدى وكق-دا وتكەن باسپا ءسوز ءماسليحاتىندا ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ كوميتەتىنىڭ ءتوراعاسى جانداربەك بەكشين. سونىمەن بىرگە، ول لابوروتوريالىق جۇمىستاردىڭ ناتيجەسى تۋرالى ايتتى.

«بۇعان ءونىمنىڭ سالمونەللەز جانە بولار-بولماس دارەجەدە ستافيلوكوك قوزدىرعىشتارىن جۇقتىرۋى سەبەپ بولعان. بۇل ناقتى انىقتالعانى»، - دەدى ەلىمىزدىڭ باس سانيتارلىق دارىگەرى. ەسكە سالا كەتسەك، جانداربەك بەكشين بۇعان دەيىن قازاقستانداعى بالمۇزداق ساتاتىن نىسانداردىڭ بارلىعى تەكسەرىلەتىنىن جاريا ەتكەن بولاتىن.

ايتا كەتسەك، شىمكەنتتە جۇمساق بالمۇزداقتان ادامدار ۋلانىپ قالعان بولاتىن. بۇعان دەيىن دەنساۋلىق ساقتاۋ مينيسترلىگى بۇل جاعدايدى باقىلاۋعا العانىن حاباردار ەتكەن ەدى. بۇدان كەيىن وبلىس اكىمى جانسەيىت تۇيمەبايەۆ ۋلانعان ادامدار تۇسكەن اۋرۋحاناعا بارىپ، پاسيەنتتەر ءۇشىن بارلىق جاعدايدى جاساۋدى تاپسىرعان بولاتىن.