كەمەروۆو وبلىسىنىڭ بۇرىنعى گۋبەرناتورى، 73 جاستاعى امان تولەيەۆ كەمەروۆو وبلىسىنىڭ حالىق دەپۋتاتى بولىپ سايلاندى، دەپ حابارلايدى Qamshy.kz اقپارات اگەنتتىگى تاسس سايتىنا سىلتەمە جاساپ.

«بۇگىن كەمەروۆو وبلىستىق سايلاۋ كوميسسياسىنىڭ وتىرىسى ءوتتى. وندا ءتورتىنشى شاقىرىلىمداعى كەمەروۆو وبلىستىق حالىق دەپۋتاتتارى كەڭەسىنىڭ بوس مانداتىن «ەدينايا روسسيا» پارتياسىنىڭ كەمەروۆو وڭىرلىك بولىمشەسىنەن تولەيەۆ امانگەلدى مولداعازىۇلىنا بەرۋ ماسەلەسى قارالدى. بوس دەپۋتاتتىق مانداتتى وعان بەرۋ تۋرالى شەشىم قابىلداندى»، — دەدى سايلاۋ كوميسسياسىنىڭ وكىلى.

كەمەروۆو وبلىسىن 1997 جىلدان بەرى 20 جىل باسقارعان امان تولەيەۆ 1 ساۋىردە رف پرەزيدەنتى ۆلاديمير پۋتيننەن ءوزىن وتستاۆكاعا جىبەرۋدى سۇرادى. ۆلاديمير پۋتين كەمەروۆو وبلىسى گۋبەرناتورى امان تولەيەۆتىڭ مەرزىمىنەن بۇرىن وتستاۆكاعا كەتۋ تۋرالى ءوتىنىشىن قابىلدادى. رەسەي پرەزيدەنتى ايماق باسشىسىنىڭ مىندەتىن ۋاقىتشا اتقارۋ ءۇشىن ۆيسە-گۋبەرناتور سەرگەي سيۆيليەۆتى قويدى.