YouTubە-تىڭ شتاب-پاتەرىندە ايەل ادام قارۋدان وق جاۋدىرىپ، ءۇش ادامدى جاراقاتتاعان. كەيىن وز-وزىنە قول سالعان، دەپ حابارلايدى Qamshy.kz اقپارات اگەنتتىگى  lenta.ru cايتىنىڭ  دەرەگىن نەگىزگە الا وتىرىپ. زارداپ شەككەن ءۇش ادام سان-فرانسيسكوداعى سۋكەربەرگ گوسپيتالىنە جەتكىزىلگەن. 

سونداي-اق، 32 جانە 27 جاستاعى ەكى ايەل جاراقاتتانعان. دارىگەرلەردىڭ ايتۋى بويىنشا، ولاردىڭ جاعدايى اۋىر جانە ورتاشا اۋىر. سان-برۋنو پوليسيا باستىعى ەد باربەريني وفيسەرلەردىڭ وقيعا ورنىنا جەرگىلىكتى ۋاقىتپەن ساعات 12:48-دە جەتكەنىن مالىمدەدى.

پوليسەيلەردىڭ ايتۋىنشا، وقيعا ورنىندا الاساپىران بولىپ، كوپ ادام قاشىپ قۇتىلعان. وفيسەرلەر بىرنەشە مينۋت وتكەننەن كەيىن ءوزىن-وزى اتقان ايەل ادامنىڭ دەنەسىن تاپقان. 

سونداي-اق وقيعا ورنىنان قاشىپ بارا جاتىپ جاراقات العان ءبىر ادام اۋرۋحاناعا جەتكىزىلگەن. كۇدىكتىنىڭ قولىندا تاپانشا بولعان. الايدا ازىرگە ونىڭ كىم ەكەنى حابارلانعان جوق. YouTube شتاب-پاتەرىندە 1700 ادام جۇمىس ىستەيدى. كومپانيا Google-عا تيەسىلى جانە سول اۋدانداعى ءىرى كومپانيا سانالادى.