بۇگىن پارلامەنت ءماجىلىسىنىڭ دەپۋتاتتارى ساپارحان وماروۆ، باحىتبەك سماعۇل جانە امانجان جامالوۆ باتىس قازاقستان وبلىسىندا بولىپ، وڭىردەگى ءىرى كاسىپورىنداردىڭ ءبىرى – «جايىق ەت» جاۋاپكەرشىلىك سەرىكتەستىگىنىڭ جۇمىس بارىسىمەن تانىستى، دەپ جازادى Qamshy.kz اقپارات اگەنتتىگى.

قۋاتتىلىعى جىلىنا 7000 توننا برويلەر تاۋىق ەتىن وندىرەتىن جوبا 2017 جىلدىڭ 6 جەلتوقساندا تەلە كوپىر ارقىلى ەلباسى نۇرسۇلتان نازاربايەۆتىڭ وزىمەن اشىلعان بولاتىن. قازىرگى تاڭدا جوبا 100% جۇمىس ىستەۋدە.

جوبانىڭ قۇنى 3،5 ملرد. تەڭگە. جوبا اياسىندا 185 جاڭا جۇمىس ورنى اشىلدى. زەلەنوۆ اۋدانىنىڭ ششاپوۆو اۋىلىندا مال بورداقىلاۋ الاڭدارى، ال مال سويۋ پۋنكتى ورال قالاسىنىڭ دەركول كەنتى اۋماعىندا ورنالاسقان. ەت وندەۋشى كەشەننىڭ جۇمىسى،  جۇمىسشىلارىنىڭ تاجىريبەلىگىن ارتتىرۋمەن  جاڭا ۇلگىدەگى زاماناۋي  جابدىقتاردى پايدالانىپ شىعارىلاتىن ءونىمنىڭ ساپاسىنا، ساتۋ كولەمىننىڭ ارتتىرۋىنا باعىتتالعان. وندىرىلگەن ءونىمدى باتىس قازاقستان وبلىسىنا، اكتوبە، اتىراۋ وبلىستارىنا جەتكىزەدى.

كەزدەسۋ بارىسىندا ءماجىلىس دەپۋتتاتتارى وندىرىستىك عيماراتتى، ءونىم ورىندارىنىڭ جۇمىسىمەن تانىستى.

-تاۋىق ەتىنىڭ يمپورتىن ازايتىپ، ىشكى نارىقتا وتاندىق ءونىمدى كوبەيتۋ كەرەك. سوندا تۇتىنۋشى ساپالى ونىممەن قامتىلىپ، ءوندىرۋشىنىڭ دە ءىسى العا باسادى، - دەدى ءماجىلىس دەپۋتاتى ساپارحان وماروۆ.