الماتى وبلىسىندا «Kazakh Invest» قولداۋىمەن 2019 جىلى تۇرىك ينۆەستيسيالارىنىڭ قاتىسۋىمەن وسىمدىكتەردى قورعايتىن قۇرالداردى ءوندىرۋ بويىنشا زاۋىت سالىنادى.

تۇرىك حولدينگى «اگروبەست گرۋپ» اتىنان شەتەل ينۆەستورى قازاقستاندا گەربيسيدتەر، ينسەكتيسيدتەر، فۋنگيسيدتەر، داندەردى ۋلاعىشتار مەن گليفوساتتى شىعارۋعا 30 ملن.اقش دوللارىن سالادى.

«Kazakh Invest» بارلىق قاجەتتى رۇقساتتار مەن مەملەكەتتىك قولداۋ شارالارىن الۋدا وسى جوبانى قولدايدى. وسىلايشا، «Kazakh Invest» وڭىرلىك وكىلىنىڭ قولداۋىمەن الماتى وبلىسى تالعار اۋدانىندا ورنالاسقان «قايرات» يندۋستريالدى ايماقتا وسى جوبانى ىسكە اسىرۋعا جەر تەلىمى تاڭدالدى.

جوبالاۋ جۇمىستارىنا ينۆەستور تاياۋ ارادا كىرىسۋدى جوسپارلاپ وتىر. زاۋىتتىڭ قۇرىلىسى اعىمداعى جىلدىڭ باسىندا باستالادى جانە 2019 جىلعا قاراي اياقتالادى.

ءونىمنىڭ 60% پايىزدان استامى ىشكى نارىقتى قامتىپ الادى، قالعان بولىگى تۇركىمەنستان، وزبەكستان، قىرعىزستان جانە باسقا نارىقتارعا جىبەرىلەدى.

سالىنىپ جاتقان زاۋىتتىڭ جالپى وندىرىستىك قۋاتى جىلىنا 12 مىڭ تونناعا دەيىن پەستيسيدتەردىڭ ءوندىرىسىن قۇرايدى. وڭىردە شامامەن 200 جۇمىس ورنى قۇرىلادى.

 ايتا كەتسەك، «اگروبەست گرۋپ» تۇرىك كومپانياسىنىڭ نەگىزى 2002 جىلى قالاندى جانە ول پەستيسيدتەردىڭ الەمدىك نارىعىنىڭ ماڭىزدى قاتىسۋشىسى بولىپ تابىلادى. ءوندىرىستىڭ جىلدىق كولەمى 35000 ت.پەستيسيد بولىپ تابىلادى، ءونىم ISO تالاپتارىنا سايكەس شىعارىلادى. «اگروبەست گرۋپ» ءونىمى تۇركىمەنستان، وزبەكستان، قازاقستان، ازەربايجان، گرۋزيا، سۋدان، سيريا جانە ت.ب. وسىمدىكتەرىن قورعايتىن حيميالىق قۇرالدار نارىعىندا ۇسىنىلعان.