رەسەيدىڭ تيۋمەن قالاسىنداعى RichFamily ويىنشىقتار دۇكەنىنەن ءورت شىقتى. دەرەكتەرگە سۇيەنسەك، ءورت 3 مىڭ شارشى مەتر اۋماقتى قامتىعان. بۇل تۋرالى «روسسيا 24 ارناسى» حابارلادى.
ءتىلسىز جاۋ عيماراتتى تۇگەلدەي جايلاپ، دۇكەننىڭ شاتىرى قۇلاعان. زارداپ شەككەن ەشكىم جوق. قازىرگى ۋاقىتتا ءورتتىڭ شىعۋ سەبەپتەرى انىقتالىپ جاتىر.
«ءورت ءسوندىرۋ جۇمىستارىنا 63 ادام مەن تجم-نىڭ 24 بىرلىك ارنايى تەحنيكاسى جۇمىلدىرىلدى. دۇكەن عيماراتى تۇگەل ورتەندى. ءورت ءسوندىرۋ جۇمىستارى اياقتالعان سوڭ عيماراتتى تەكسەرۋ، ءورتتىڭ شىعۋ سەبەپتەرىن انىقتاۋ جۇمىستارى باستالادى»، - دەيدى تجم وكىلى يۋريي يۋسكو.
