ءال-فارابي اتىنداعى قازاق ۇلتتىق ۋنيۆەرسيتەتىنىڭ ۇجىمى شىعىس قازاقستان وبلىسىنداعى سۋ تاسقىنىنان زارداپ شەككەندەرگە قارجىلىق كومەك كورسەتتى.
قازۇۋ عالىمدارى مەن وقىتۋشىلارى سۋ تاسقىنى كەزىندە قيىن جاعدايعا تاپ بولعان جاندارعا كومەك كورسەتۋ ءۇشىن ءبىر كۇندىك ەڭبەك جالاقىلارىن اۋدارۋ جونىندەگى جوعارى وقۋ ورنى باسشىلىعى مەن كاسىپوداق كوميتەتىنىڭ ۇسىنىسىن ءبىراۋىزدان قولدادى.
«ءبىز كۇندەلىكتى جاڭالىقتاردان اپات سالدارىنىڭ قالاي جويىلىپ جاتقانىن كورىپ وتىرمىز، وسى ءوڭىردىڭ تۇرعىندارىنىڭ قايعىسىنا ورتاقپىز. ادامدار باسپاناسىز قالدى، مۇلىكتەرىنەن ايرىلدى. وسىنداي قيىن تۇستا بۇكىل ەل ولارمەن بىرگە ەكەندىگىن سەزىنگەن وتە ماڭىزدى»، - دەپ اتاپ ءوتتى فيلوسوفيا جانە ساياساتتانۋ فاكۋلتەتىنىڭ دەكانى ءاليا ماساليموۆا.
ەشبىر كافەدرا، ەشبىر وقىتۋشى، ۋنيۆەرسيتەتتىڭ ەشبىر ءبولىمى تىس قالعان جوق. ۋنيۆەرسيتەت قىزمەتكەرلەرىنىڭ ماتەريالدىق كومەگى ارنايى قاراجات ەسەبىنە اۋدارىلدى، قاراجات جيناۋ جۇمىسى ودان ءارى جالعاستىرىلاتىن بولادى.
«ءبىز زارداپ شەككەندەردەن الىستامىز، الايدا وسى جينالعان قاراجات ولارعا قانداي دا ءبىر جاردەم بولار دەپ ۇمىتتەنەمىز. سۋ تاسقىنىنان زارداپ شەككەن اۋدانداردا ءبىزدىڭ كەيبىر وقىتۋشىلارىمىزدىڭ تۋىسقاندارى مەن تانىستارى تۇرادى، سوندىقتان دا ءبىز ولاردىڭ قايعىسىن جەكە باسىمىزدىڭ قايعىسىنداي قابىلدايمىز»، - دەدى جۋرناليستيكا فاكۋلتەتىنىڭ دوسەنتى مارلان نەگىزبايەۆا.
