15 ناۋرىزدا اقتوبە وبلىسىندا ەلدى-مەكەندەردى جاقسارتۋ، سانيتارلىق تازالاۋ مەن كوگالداندىرۋدىڭ ءۇش ايلىعى باستالدى. ونى ىسكە اسىرۋ بارىسى تۋرالى تابيعي رەسۋرستاردى باسقارۋ جانە تابيعات پايدالانۋ باسقارماسىنىڭ باسشىسى نۇرجان اققۇل جانە اقتوبە قالاسىنىڭ اكىمى ءىلياس يسپانوۆ حابارلادى.

ن.Aققۇل بيىل ءبىرىنشى وبلىستىق سەنبىلىككە 8،6 مىڭنان استام ادام  قاتىسىپ، وعان 183 بىرلىك تەحنيكا تارتىلدى دەپ حابارلادى. ولاردىڭ كۇشتەرىمەن 596 كوشەنىڭ، 65 پارك پەن الاڭداردىڭ قوقىستارى تازارتىلدى. 190 قوقىس الاڭى انىقتالدى. 683 توننادان استام قوقىس سىرتقا شىعارىلدى. اباتتاندىرۋ ەرەجەلەرىن بۇزعان زاڭدى جانە جەكە تۇلعالارعا 449 ەسكەرتۋلەر بەرىلىپ، التاۋىنا 96 مىڭنان استام تەڭگەگە ايىپپۇل  سالىندى.   

بايانداماشىلاردى تىڭداپ بولعان سوڭ بەردىبەك ساپاربايەۆ ۋاكىلەتتى ورگاندارعا جول جوندەۋگە، جەكە جانە قوعامدىق عيماراتتاردىڭ قاسبەتتەرىن جوندەۋگە ەرەكشە نازار اۋدارۋدى جانە جۇمىستى كۇشەيتۋدى تاپسىردى.

ول سوڭعى كۇندەرى اقتوبەدە قوقىستاردى شىعارۋمەن اينالىساتىن كاسىپورىنداردىڭ جۇمىسى كوپتەگەن سىنعا ۇشىراعانىن اتاپ ءوتتى.            

– كۇن سايىن ادامدار قوقىس توگۋ جانە قوقىستاردىڭ ۋاقىتىلى شىعارىلماۋى تۋرالى شاعىمدانادى. قىزمەت كورسەتەسىز بە – ساپالى جانە ۇزدىكسىز ورىنداڭىز. تازالىق پەن ءتارتىپ سۇرانىسى قاتاڭ بولادى، - دەدى وبلىس اكىمى كوممۋنالدىق كاسىپورىندار وكىلدەرىنە.

ەلدى مەكەندەردى كوگالداندىرۋ ماسەلەسى جەكە تالقىلاندى. بيىلعى جىلى 73 مىڭنان استام اعاشتىڭ 25 ءتۇرىن وتىرعىزۋ جوسپارلانىپ وتىر. جۇمىستار وسى اپتادا باستالادى. ءوڭىر باسشىسى جول بويىنداعى بارلىق قۋ اعاشتاردان بوساتىپ، ورنىنا جاڭادان جاس كوشەتتەر مەن بۇتالاردى وتىرعىزىپ، ولاردىڭ جوعارى ءومىر ءسۇرۋ قارقىنىن قامتاماسىز ەتۋ ءۇشىن قاجەتتى شارالاردى قابىلداۋدى، سونداي-اق اۆتوموبيل جولدارى بويىنداعى قار توقتاتاتىن ورمان القاپتارىن مۇقيات باقىلاۋدى تالاپ ەتتى.