قازۇۋ ەلىمىزدىڭ جوعارى وقۋ ورىندارىنىڭ ىشىندە تۇڭعىش رەت QS Stars - «ءتورت جۇلدىز» ارتىقشىلىق بەلگىسىنە يە بولدى.
QS اگەنتتىگىنىڭ 2018 جىلى جۇرگىزگەن دەربەس باعالاۋ ناتيجەلەرى بويىنشا قازۇۋ «QS Stars Development Road map» حالىقارالىق رەيتينگىسىنىڭ «ءتورت جۇلدىز» ارتىقشىلىق بەلگىسىن قازاقستاندا ءبىرىنشى بولىپ يەلەنگەن ورتالىق ازيا ايماعىنداعى جالعىز ۋنيۆەرسيتەت بولدى.
0-دەن 5 جۇلدىزعا دەيىنگى QS رەيتينگىسى جوعارى وقۋ ورىندارىنىڭ كەڭ اۋقىمدى قىزمەتىن بەلگىلەيتىن جانە ۋنيۆەرسيتەتتەردىڭ جوعارى حالىقارالىق ستاندارتتارعا سايكەستىگىن انىقتايتىن 50-دەن استام كورسەتكىشتەردى كەشەندى تالداۋ ناتيجەسىندە انىقتالادى.
قازۇۋ-عا QS «ءتورت جۇلدىز» ارتىقشىلىق بەلگىسىنىڭ تاعايىندالۋى ۋنيۆەرسيتەتتىڭ جوعارى حالىقارالىق بەدەلى مەن جاھاندىق عىلىمي جانە ءبىلىم بەرۋ كەڭىستىگىندە كوشباسشىلىق ورىنعا يە ەكەندىگىنىڭ دالەلى. ارتىقشىلىق جۇلدىزدارى ۋنيۆەرسيتەتتىڭ مىقتى تۇستارىن كورسەتەدى جانە سەرىكتەستەر مەن وقۋعا تۇسەم دەۋشىلەرگە جوعارى وقۋ ورنىن تاڭداۋعا جاردەمدەسەدى.
وسىلايشا، قازۇۋ ءبىرقاتار كورسەتكىشتەر بويىنشا «5 جۇلدىز» يەلەندى، اتاپ ايتقاندا، ءبىلىم بەرۋ قىزمەتتەرىن كورسەتۋ، ينتەرناسيونيزاسيالانۋ دەڭگەيى، ينفراقۇرىلىم جانە ينكليۋزيۆتى ءبىلىم بەرۋ جۇيەسىن دامىتۋ.
تمد ەلدەرىندە QS-تىڭ ءتورت جۇلدىزى تەك بەس ۋنيۆەرسيتەتكە بەرىلگەندىگىن اتاپ ءوتۋ قاجەت، ولار – ءال-فارابي اتىنداعى قازۇۋ جانە رەسەيدىڭ ءتورت ۋنيۆەرسيتەتى.
