Boxingscene.com سايتى گولوۆكيننىڭ 5 مامىرداعى جەكپە-جەگى بولمايتىن بولسا، قازاقستاندىق بوكسشى ۇزاق ۋاقىت رينگكە شىعا الماي قالۋى مۇمكىن ەكەندىگىن ءمالىم ەتتى، دەپ حابارلايدى Sports.kz.

5 مامىرعا جوسپارلانعان GGG-گە جەكپە-جەك قارسىلاس تابۋدىڭ قيىندىعىنا بايلانىستى وتكىزىلمەي قالۋى دا مۇمكىن. باسىلىم حابارلاعانداي، ەگەر گولوۆكين مامىردا رينگكە شىقپاسا الۆارەسپەن وتەتىن قارىمتا جەكپە-جەككە دەيىن شارى الاڭعا شىعۋى ەكىتالاي بولماق.

ەگەر «كانەلو» رينگتەن 6 ايعا شەتتەتىلسە، بولۋى مۇمكىن ريەۆانش 15 قىركۇيەككە، ياعني مەكسيكانىڭ تاۋەلسىزدىك كۇنىنە جاقىندايدى. دەرەككوزدىڭ مالىمەتىنشە، الۆارەستىڭ ءوزى دە قارىمتا جەكپە-جەككە دەيىن گولوۆكيننىڭ باسقا جارىستارعا قاتىسۋىن قالامايدى ەكەن. الايدا، ەگەر الۆارەستىڭ ديسكۆاليفيكاسيا مەرزىمى التى ايدان دا ۇزاققا سوزىلسا، گولوۆكين قارىمتاعا دەيىن باسقا قارسىلاسپەن قولعاپ ءتۇيىستىرۋى مۇمكىن.