زاماناۋي جىراۋ جان احمادييەۆ «Gakku» ارناسىن سوتقا بەرمەك دەپ جازادى Qamshy.kz اقپارات اگەنتتىگى.
وسىدان ءبىراز ۋاقىت بۇرىن «جەزوكشەلەردى ساباۋ كەرەك» دەپ ءوز ايەلىن قامشىمەن ۇرعان رەپەر جەكە باسىنىڭ قۇقىعىن تاپتاعان جۋرناليستەن رەسمي تۇردە كەشىرىم سۇراۋىن تالاپ ەتتى. كەشىرىم سۇراماعان جاعدايدا ارنانى سوتقا بەرەتىنىن جەتكىزدى.
«كۇنى كەشە اتىشۋلى ۆيدەوما بايلانىستى ءتۇرلى پىكىرىلەر ايتىلدى. داتتايتىندار دا، جاقتايتىندار دا تابىلدى. الايدا سول داتتاعانداردىڭ اراسىندا ۇلتتىق مۋزىكالىق «Gakku» ارناسى دا بار. مىنالارىڭىز ۇيات ەندى. «Gakku» ارناسىنداعى «ۇيات Parade» باعدارلاماسىنىڭ جۇرگىزۋشىسى نۇرجان ەركىن ۇلى جەكە باسىمنىڭ قۇقىعىن تاپتاپ، مەنى مۇگەدەك دەپ اتادى. ارنا ماماندارىنىڭ كاسىبي دەڭگەيىن بايقاپ قويدىم. ارنانىڭ دەڭگەيى وسىنشالىقتى تومەن تۇسەدى دەپ ويلاماپپىن. سوندىقتان باعدارلامانىڭ جۇرگىزۋشىسى نۇرجان ەركىن ۇلىنىڭ مەنەن كەشىرىم سۇراۋىن تالاپ ەتەمىن. ولاي ەتپەگەن جاعدايدا سوتقا بەرۋگە ءماجبۇرمىن»، – دەيدى احمادييەۆ.
سونىمەن بىرگە ول ءوزىنىڭ ينستاگرام پاراقشاسىنا «ايتىلعان ءسوز – اتىلعان وق!!! سوزدەرىڭىزگە جاۋاپ بەرۋگە دايىنسىزدار ما؟» – دەپ جازدى.
ايتا كەتەيىك، «Gakku» ارناسىنداعى «ۇيات Parade» باعدارلاماسىنىڭ جۇرگىزۋشىسى: «جان احمادييەۆتىڭ اتىن ايتسام، قۇسقىم كەلەدى. زامان دامىعان ۋاقىتتا پيار ءۇشىن قىزداردى قامشىمەن قۋىپ ءجۇر. شىندىعىندا، بەينەباياننىڭ تولىق نۇسقاسىن كورسەڭىز، جاننىڭ كليپ تۇسىرمەي تۇرىپ سول جەڭىل ءجۇرىستى قىزدارعا ءوزى بارىپ، سويلەسىپ جۇرگەنىن كورۋگە بولادى»، – دەپ سىناعان.
